Clüverswarder
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28832 | |
| Vörwahl: | 04202 | |
| Geograafsche Laag: | Koordinaten:53° 1′ N, 8° 58′ O53° 1′ N, 8° 58′ O | |
|
| ||
Clüverswarder (hoochdüütsch Clüverswerder) is en lütten Oort in de Gemeen Achem in’n Landkreis Veern, Neddersassen. Binnen de Gemeen höört de Oort to’n Oortsdeel Bieren.
Geografie
ännernDe Oort liggt in de Masch nich wied af von de Werser.
De Naveröörd sünd Uphusen in’n Noorden, Bieren un Achem in’n Oosten, Hostäe in’n Süüdoosten, Bolleresch un Bollerholt in’n Süüdwesten, Bollen in’n Westen un Mahndörp in’n Noordwesten. Mahndörp höört dorbi to de Stadt Bremen.
Historie
ännernClüverswarder is en fröheren Warder in de Werser, de vondaag aver wedder kumplett mit dat Över verbunnen is. Dor von is de Oort bet in dat 19. Johrhunnert Warder nöömt worrn.
De Oort weer fröher en Eddelgood, dat de Familie Clüver tohöört hett.[1] Dor kummt de hüdige Naam von af. Üm 1640 rüm hett Nikolaus Knust von Lilienfeld (Stadthauptmann von Borgdörp) dat Good köfft, na den dat Good ok Kunstenhoff nöömt worrn is (mit Metathees von n un u).[1] Na Nikolaus sien Dood is dat Good an den Hauptmann Schütz von Modersitzky gahn, de Nikolaus sien Dochter Anna Ilse Knust von Lilienfeld freet harr.[1]
Von de Familie Schütz von Modersitzky is dat Good an’n Bremer Öllermann un Syndikus Wiedemann gahn un denn an Georg Ludwig von Klinkowström.[1]
Klinkowström hett dat Good an’n Bremer Börger Johann Christoph Prange verköfft un de 1780 wedder an de Bröder William un John Cooper. Na düsse Tied hebbt ok de breemsche Senater Iken un de Familie Duckwitz to de Besitters höört. In düsse Tied weer dat Good aver al distraheert.
Üm 1950 rüm hett de Landkreis Veern de Gebüüd köfft un dat as Kinnerheim un Tagungstätte bruukt. Üm 1985 hett de Landkreis de Gebüüd an’n Kreisverband Veern von dat Düütsche Rode Krüüz afgeven, de dor nu en Freetiedsteed för junge Lüüd bedrifft.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Achem in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Westvaagdie von dat Gogericht Achem tohöört, dat 1852 denn to dat Amt Achem worrn is. Na 1885 weer dat in’n Kreis Achem. 1932 is de Kreis Achem mit’n Kreis Veern tohoopgahn un hett den ne’en un grötteren Kreis Veern billt.
De Oort hett von öllers to de Gemeen Bieren tohöört, de an’n 1. Juli 1972 mit de Gemeenreform in Neddersassen Deel von de Gemeen Achem worrn is.
Inwahnertall
ännern| Johr | Inwahners |
|---|---|
| 1791[2] | 2 Füürsteden |
| 1812[3] | 11 |
| 1824[4] | 2 Füürsteden |
| 1848[5] | 11 Lüüd, 2 Hüüs |
| 1. Dezember 1871[6] | 8 Lüüd, 3 Hüüs |
| 1. Dezember 1885[7] | 8 Lüüd, 3 Hüüs |
| 1. Dezember 1905[8] | 10 Lüüd, 2 Hüüs |
Religion
ännernClüverswarder is evangeelsch-luthersch präägt un höört to dat Kaspel von de Laurentius-Kark in Achem.
För de Kathoolschen is de St.-Matthias-Kark in Achem tostännig.
Weertschop un Infrastruktur
ännernFör Clüverswarder is de freewillige Füürwehr Bieren mit tostännig.
De Weserradweg löppt an Clüverswarder langs.
Verkehr
ännernVon Clüverswarder loopt lüttjere Straten na Bollen, Uphusen un Bieren. In Uphusen un Bieren loopt düsse Straten an de Landsstraat 158, de in’n Süüdoosten na Achem, Langwedel un Veern geiht un in’n Noordwesten na dat Land Bremen un dor as Mahndörper Heerstraat na Mahndörp, Arbargen un Hemeln.
De nächste Autobahn is de Autobahn 1 (Afsnidd Bremen–Wasra). De Opfohrt 54 Uphusen/Mahndörp liggt so dree Kilometer in’n Noordwesten von Clüverswarder an de L 158.
De nächsten Bahnhööv sünd so bi fiev Kilometer wied weg an de Bahnlien Wunsdörp–Bremen de Bahnhoff Mahndörp in’n Noordwesten un de Bahnhoff Achem in’n Oosten.
Footnoten
ännern- ↑ a b c d Hannoversche Anzeigen: von allerhand Sachen, deren Bekanntmachung dem gemeinen Wesen nöthig und nützlich. Vom Jahre 1754. Hannover 1755, Sied 232
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 245
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 116
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
