Montaña El Tiburón

höögst Topp:

Hööchd:

1.168 m över de See

Land:

Laag:

Koordinaten:

Koordinaten:15° 40′ N, 87° 30′ W15° 40′ N, 87° 30′ W

De Montaña El Tiburón is en Barggrupp in dat Departamento Atlántida in Honduras (un to en lütten Deel in dat Departamento Yoro). Dat is en Deel von de gröttere Cordillera Nombre de Dios. De höögste Punkt is en Barg bi 15° 34′ N, 87° 35′ W mit 1168 Meter över de See.

De Bargen liggt in dat Municipio Tela un to lüttjere Delen in de Municipios Arizona un El Negrito.

De Montaña El Tiburón is in’n Süden verbunnen mit de Cordillera Nombre de Dios. As Grenz köönt dat Daal von’n Río Congo un von’n Río Leán ansehn warrn. In’n Noordwesten slütt sik de Montaña de Toloa an, de dör dat Daal von’n Río Santiago von de Montaña El Tiburón afdeelt is. De Montaña El Tiburón reckt 40 Kilometer na Noordoosten bet dicht an de Karibische See ran un is 20 Kilometer breet.

Na Westen to liggt dat Sula-Daal mit de Strööm Río Guaymitas un Río Mezapa, na Noordwesten dat Daal von’n Río Santiago un na Süüdoosten un Oosten dat Leán-Daal.

Dat gifft kene grötteren Öörd in de Bargen un ok kene Straten, de dor dörgaht. De grötteren Öörd an’n Rand von de Bargen sünd Arizona, Tela un Mezapa, de dör de Straat CA-13 verbunnen sünd (Mezapa över en Siedenstraat). De CA-13 maakt en groten Bagen üm de Montaña El Tiburón.