David Vega (Politiker)

David „Dido“ Vega is en Politiker ut Belize (PUP).

Vega is in Corozal na School gahn un hett denn Mathematik an de University of North Florida in Jacksonville (Florida, USA) studeert un dat Studium mit en Bachelor un Master afslaten. Nadem he na Belize trügg is, weer he Schoolmeester an de University of Belize in Belmopan un an dat Corozal Junior College.

Bi de Wahl to’n Stadtraad von Corozal an’n 4. März 2015 weer he Börgermeester-Kannedaat för de PUP, kunn sik mit 2476 Stimmen aver nich dörsetten. Börgermeester is Hilberto Campos von de UDP worrn.

Bi de Parlamentswahl in Belize 2020 weer he Kannedaat för de PUP in’n Wahlkreis Corozal Bay. He hett 53,68 % von de Stimmen kregen un kunn sik dormit gegen Pablo Marin von de UDP un den unafhängigen Kannedaat Carlos Javier Sawers dörsetten. Dormit is he siet November 2020 Maat von dat Repräsentantenhuus von Belize.