Diekslipp

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Belen
Inwahners:
Postleettall:	21785
Vörwahl:	04752
Geograafsche Laag:	53° 47′ N, 8° 60′ O

Diekslipp (hoochdüütsch Deichschlippe) is en lütten Oort in de Gemeen Belen (Samtgemeen Land Hadeln) in’n Landkreis Cuxhoben, Neddersassen. De Oort höört polietsch von öllers bi Kedenbrook mit bi.

Geografie

En poor hunnert Meter in’n Oosten flütt de Au langs.

De Naveröörd sünd Belen in’n Noorden, Buckhoff, Hollannerhoff, Bülsdörp un Neehuus in’n Noordoosten, Intzenbüttel in’n Oosten, de Bullenwinkel in’n Süüdoosten, Austood in’n Süden, dat Noorderenn von Bülkau mit Spreng in’n Süüdwesten, Kedenbrook in’n Westen un Bahrdörp in’n Noordwesten.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1848-00-001848	19 Lüüd, 3 Hüüs
1871-12-011. Dezember 1871	31 Lüüd, 5 Hüüs

Religion

Diekslipp is evangeelsch-luthersch präägt un höört to dat Kaspel von de Jürgen-Kark in Kedenbrook.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

Nich wied von Diekslipp af löppt de Landsstraat 144 langs, de in’n Süüdwesten na Bülkau, Goddshem un Steenau geiht un in’n Noordoosten na Neehuus an de Bundsstraat 73 ran.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 23 Kilometer in’n Noordwesten von Diekslipp.

De nächste Bahnhoff is so bi acht Kilometer wied weg in’n Süüdoosten de Bahnhoff Kumbarg an de Nedderelvbahn. De Bahnlien föhrt ok direkt an’n Oort langs, hett dor aver keen Bahnhoff. Bet 1991 harr noch de Bahnhoff Neehuus apen, de blots een Kilometer weg weer.