Wapen/Flagg Koort

Wapen vun Belen

Belen
Laag vun Belen in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Belen
Inwahners:
Hööchd: 2 m över NN
Postleettall: 21785
Vörwahl: 04752
Geograafsche Laag:
Koordinaten:53° 49′ N, 8° 60′ O
53° 49′ N, 8° 60′ O

Karte

Belen (hoochdüütsch Belum) is en Oort in de Gemeen Belen (Samtgemeen Land Hadeln) in’n Landkreis Cuxhoben, Neddersassen.

Luftbild von Belen, de Münn von de Oost in’n Achtergrund (2012)
Lüchtfüür in Belen

De Öörd un Hööv Bahrdörp, Belenerdiek, Belener Schanz, Belenerwisch, Esch, Föfftendeel, Freudendaal, Hollannerhoff, Kammdiek, Königswisch, Mollfeld, Noordhöörn un Westerndörp hebbt al von öllers bi dat Kaspel un bi de polietsche Gemeen Belen mit bihöört.

Geografie ännern

Belen liggt in de Masch an dat linke Över von de Elv, so üm un bi twee Kilometer af von’n Stroom. Twee Kilometer in’n Westen langs löppt de Haadler Kanaal un twee Kilometer in’n Oosten de Oost, de hier in de Elv münnt. An de Oost liggt ok dat Oost-Sparrwark mit’n Oost-See un dat Natureum.

An de Elv doot de beiden Naturschuulrebeden Haadler un Belener Butendiek un Oostmünn liggen.

De Naveröörd sünd Neehüserdiek un Hörn (wat bi Balje höört) in’n Oosten, Neehuus in’n Süüdoosten, Kedenbrook in’n Süüdwesten un Bahrdörp un Nackenbüttel in’n Westen.

Historie ännern

Belen kummt an’n 23. März 1377 toeerst in de Oorkunnen vör, in en Verdrag twüschen dat Kaspel Belen un de Hansestadt Hamborg, in de de beiden Öörd toseggt, dat se sik nich mehr gegensiedig utrövern wüllt.

In’n Dörtigjohrigen Krieg is an de Oostmünn de Belener Schanz anleggt worrn.

Belen weer vör 1885 in’t Amt Neehuus un na 1885 in’n Kreis Neehuus. 1932 is dat an’n Kreis Land Hadeln kamen un 1977 denn an’n Landkreis Cuxhoben.

In’n Eersten Weltkrieg sünd 33 Soldaten ut Belen fullen oder vermisst un in’n Tweten 72[1].

An’n 1. Juli 1972 hebbt sik de Gemenen Kedenbrook un Belen to de ne’e Gemeen Belen tohoopdaan.

In’n September 1970 is in Belen en Stellung von dat NATO-Flarak-System Hawk in Bedriev gahn.

Inwahnertall ännern

Johr Inwahners
1824-00-001824[2] 155 Füürsteden
1848-00-001848[3] 936 Lüüd, 152 Hüüs
1858-00-001858[4] 933
1910-12-011. Dezember 1910[5] 676
1925-00-001925[6] 652
1933-00-001933[6] 601
1939-00-001939[6] 565

Religion ännern

 
St.-Vitus-Kark

Belen is evangeelsch-luthersch präägt un billt mit de St.-Vitus-Kark en egen Kaspel.

För de Kathoolschen is de Hillig-Krüüz-Kark in Oterndörp tostännig.

Wapen ännern

Dat Wapen wiest op blauen Grund in’n Schildfoot en gollen Schanzkorv un dor över en gollen Merkurhoot mit Flünk.

Kultur ännern

An de Kark steiht en Denkmaal för de Fullenen ut de twee Weltkrieg’.

Verenen ännern

De Schützenvereen Belen is 1897 grünnt worrn un fiert sien Schützenfest an’t twete Wekenenn in’n Juni.

Weertschop un Infrastruktur ännern

De Freewillige Füürwehr is an’n 27. September 1934 grünnt worrn. Vörher harr dat al siet 1880 en Plichtfüürwehr geven.

Verkehr ännern

Belen liggt an de Bundsstraat 73, de in’n Süüdoosten na Neehuus, Kumbarg, Hemmoor/Basbeek/Warstood un Stood löppt un in’n Westen na Oterndörp, Olenbrook un Cuxhoben. Dor in Cuxhoben bütt de B 73 Ansluss an de Autobahn 27. Ans gifft dat lüttjere Straten na Bahrdörp, Neehüserdiek un Hörn.

Na dat Plaanfaststellungsverfohren 1954 is de enge Oortsdörfohrt Belen von de B 73 to en moderne Straat utboot worrn, de 1956 trech weer.[7]

De nächsten Bahnhööv sünd de Bahnhoff Kumbarg un de Bahnhoff Oterndörp an de Nedderelvbahn.

För de Schipperee gifft dat dat 44 m hoge Bavenfüür Belen, en Toorn mit rood-witte Striepen un ümdreiht Kegeldack un dat 25 m hoge Neernfüür, dat ans jüstso utsütt un 1340 m von’t Bavenfüür af na Oterndörp to steiht. Dat Füür is 18 Seemielen wied to sehn.

De Lüchttoorn, de 1904 bi de Sandbank bi de Oostmünn boot worrn is, is 1982 dichtmaakt un 1983 afreten worrn.

Lüüd ännern

De Politiker Ernst Cammann hett lang en Bueree-Bedriev in Belen bewirtschaft un weer ok Börgermeester von Belen. De Politiker Albert Rodegerdts is 1898 in Belen boren.

Weblenken ännern

  Belen. Mehr Biller, Videos oder Audiodateien to’t Thema gifft dat bi Wikimedia Commons.

Footnoten ännern

  1. http://www.denkmalprojekt.org/dkm_deutschland/belum.htm
  2. C. H. Jansen: Statistisches Handbuch des Königreichs Hannover. 1824, Sied 46: http://books.google.de/books?id=tG0AAAAAcAAJ&pg=PA46
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
  4. Franz Heinrich Ungewitter: Neueste Erdbeschreibung und Staatenkunde. 1858, Sied 420: http://books.google.de/books?id=ZkoNAQAAIAAJ&pg=PA420
  5. http://www.gemeindeverzeichnis.de/gem1900/gem1900.htm?hannover/neuhaus.htm
  6. a b c http://www.verwaltungsgeschichte.de/hadeln.html
  7. Rudolf Lembcke: Kreis Land Hadeln. Geschichte und Gegenwart. Rutgever: Landkreis Land Hadeln. Bookdruckeree Günter Hottendorff, Oterndörp 1976, Sied 153