Intzenbüttel

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Neehuus
Inwahners:
Postleettall:	21785
Vörwahl:	04752
Geograafsche Laag:	53° 47′ N, 9° 1′ O

Intzenbüttel (hoochdüütsch Intzenbüttel) is en Oort in de Gemeen Neehuus (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Neehuus mit bi.

Geografie

Intzenbüttel liggt in de Masch von de Au.

De Naveröörd sünd Neehuus un Dingwöörden in’n Noordoosten, Uhlenkamp un Geversdörp in’n Oosten, Kumbarg in’n Süüdoosten, Westercaadwisch in’n Süden, Bullenwinkel un Austood in’n Süüdwesten, Diekslipp un Kedenbrook in’n Westen un Buckhoff, Hollannerhoff un Bülsdörp in’n Noordwesten.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1793-00-001793	7 Füürsteden
1824-00-001824	7 Füürsteden
1848-00-001848	50 Lüüd, 5 Hüüs
1871-12-011. Dezember 1871	66 Lüüd, 8 Hüüs

Religion

Intzenbüttel is evangeelsch-luthersch präägt un höört to dat Kaspel von de Emmaus-Kark in Neehuus.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

Dör Intzenbüttel löppt de Landsstraat 144, de in’n Süüdwesten över Kedenbrook un Bülkau na Goddshem un Steenau geiht un in’n Noordoosten na Neehuus an de Bundsstraat 73 ran.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 25 Kilometer in’n Noordwesten von Intzenbüttel.

De nächste Bahnhoff is so bi söven Kilometer wied weg in’n Süüdoosten de Bahnhoff Kumbarg an de Nedderelvbahn. De Bahnlien löppt ok nich wied an Intzenbüttel langs. Bet 1991 harr noch de Bahnhoff Neehuus apen, de blots een Kilometer weg weer.