Kanton Stotel
De Kanton Stotel weer as Kanton en Verwaltungsrebeed in dat Königriek Westfalen, dat blots von 1810 bet 1811 bestahn hett (Franzosentied). De Seet weer Stotel.
Historie ännern
De Ümgegend von Stotel hett vör de Franzosentied to de Böörd Braamst un den Bezirk Oosterstood von dat Amt Hagen, de Gerichten Beverst un Leh un dat Amt Stotel-Vieland in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Kanton Stotel een von de 13 Kantons in’n Distrikt Bremervöör von dat Departement von de Elv- un Wersermünnen. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Stotel is opdeelt worrn op de Mairien Dammhagen un Weersbe in’n Kanton Hagen un de Mairien Stotel, Bexhöv, Wulsdörp un Deesdorp in’n Kanton Bremerleh, all in’n Distrikt Bremen, Departement von de Wersermünnen.
In’n Harvst 1813 hebbt de Russen de Franzosen slahn un dat Rebeed befreet. Dat Kurförstendom Hannover is denn 1813/1814 wedder herstellt worrn un de ole Stand von vör 1810 wedder dor.
Mairien ännern
De Kanton weer indeelt in acht Mairien:[1]
- Mairie Stotel: Stotel, Speckje
- Mairie Wittst: Wittst, Hollen, Hahnenknoop, Hetthorn, Holt, Swegen
- Mairie Neenlann: Neenlann, Reepen, Büttel
- Mairie Ness: Ness, Fleest, Lanhusen, Well
- Mairie Lox: Lox, Düring
- Mairie Bexhöv: Bexhöv, Nückel, Stinst, Donnern, Hosermöhlen, Junkernhoos, Dünenfähr
- Mairie Rechtenfleth: Rechtenfleth
- Mairie Wulsdörp: Wulsdörp
Footnoten ännern
- ↑ Bulletin des lois du Royaume de Westphalie. Königliche Bookdruckeree, Kassel 1810, Sied 15
Beers | Beverst | Blomendal | Bremerleh | Bremervöör | Dorum | Hagen | Hanst | Hu’e | Leendaal | Oosterholt | Otterbarg | Stotel