Drept

Drept
Laag	Neddersassen
Stroomsystem	Werser
Läng	34 km
Born	bi Lange Heid (op 45 m över NN)
Münn	bi Rechtenfleth in de Werser (op 2 m över NN)

De Drept is en 34 Kilometer langen Beek, de vun rechts in de Werser münnt.

Dat ole Sieldoor von de Dreptmünn ut dat 18. Johrhunnert (bi Diekboarbeiden in de Johren 1990 wedder utkuhlt)

De Drept hett ehren Born in’n Forst Elm in’n Oosten von den Oort Lange Heid bi Oosterholt-Scharmbeek. Von dor flütt se groff na Noordwesten un twüschen Hülsbarg, Büttel un Garlst langs (dor hett se fröher de Brockmannsmöhlen andreven). Denn geiht de Drept an Hoop, Hein un Wolsbuddel vörbi un na Hagen un Kassbrook. Bi Dannendörp un Driftseth dreiht de Beek denn bilütten na Westen. Nadem de Drept an Langendammsmoor un Neenlannermoor vörbi- un ünner de Autobahn 27 ünnerdörflaten is, löppt de Beek denn stracks na Westen un münnt twüschen Rechtenfleth un Neenlannen bi dat Dreptersiel in de Werser.

Dat Water von de Drept hett bet Driftseth de Göödklass II: mäßig belastet, von Driftseth bet na de Münn de Göödklass II–III: kritisch belastet.