Neenlannermoor

Oort in’n Landkreis Cuxhoben, Neddersassen
Wapen/Flagg Koort
hett keen Wapen
Neenlannermoor
Laag vun Neenlannermoor in Düütschland
Basisdaten
Bundsland: Neddersassen
Landkreis: Cuxhoben
Gemeen: Lox
Inwahners:
Postleettall: 27612
Vörwahl: 04744
Geograafsche Laag:
Koordinaten:53° 24′ N, 8° 35′ O
53° 24′ N, 8° 35′ O

Neenlannermoor (hoochdüütsch Neuenlandermoor) is en lütten Oort in de Gemeen Lox in’n Landkreis Cuxhoben, Neddersassen. Binnen de Gemeen Lox höört de Oort to de polietsche Oortschop Swegen.

GeografieÄnnern

De Oort liggt in dat Moor langs de Drept. In’n Noordoosten doot de Naturschuulrebeden Königsmoor bi Swegen un Plackenmoor liggen.

De Naveröörd sünd Stotel in’n Noorden, Stotelermoor un Hahnenknoop in’n Noordoosten, Langendammsmoor, Krehlen, Braamstermoor un Driftseth in’n Süüdoosten, Wittenbarg, Rechtenflethermoor un Saanstermoor in’n Süden, Rechtenfleth, Feldhoff un Blömkenmoor in’n Süüdwesten un Neenlann, Reepen un Swegen in’n Noordwesten.

HistorieÄnnern

Neenlannermoor is üm 1750 rüm as Moorkolonie von Neenlann ut grünnt worrn.

VerwaltungsgeschichtÄnnern

In de Franzosentied von 1810 bet 1814 hett de Oort to de Mairie Deesdorp in’n Kanton Bremerleh höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to dat Amt Hagen tohöört un leeg dor in’n Bezirk von de Oosterstoder Masch. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort weer fröher Deel von de Gemeen Neenland. Dat is so bleven bet 1968, as Neenlannermoor mit Swegen un Langendammsmoor to de Gemeen Swegen tohoopslaten worrn is. Düsse ne’e Gemeen is an’n 1. März 1974 mit de Gemeenreform in Neddersassen Deel von de Gemeen Lox worrn. Sietdem billt Swegen binnen de Gemeen Lox en Oortschop mit egen Oortsvörsteiher.

InwahnertallÄnnern

Johr Inwahners
1812-00-001812[1] 17
1848-00-001848[2] 73 Lüüd. 13 Hüüs
1871-12-011. Dezember 1871[3] 63 Lüüd. 14 Hüüs
1885-12-011. Dezember 1885[4] 67 Lüüd. 13 Hüüs
1905-12-011. Dezember 1905[5] 70 Lüüd. 13 Hüüs

ReligionÄnnern

Neenlannermoor is evangeelsch-luthersch präägt un höört to dat Kaspel von de Marien-Kark in Büttel. Fröher hett de Oort to dat Kaspel von de Laurentius-Kark in Deesdorp tohöört.

För de Kathoolschen is de Hillig-Hart-Jesu-Kark in Geestmünn tostännig.

KulturÄnnern

VerenenÄnnern

De Schüttenvereen Neenlannermoor is 1926 grünnt worrn.

Weertschop un InfrastrukturÄnnern

För Neenlannermoor is de freewillige Füürwehr Swegen mit tostännig.

VerkehrÄnnern

Dör Neenlannermoor löppt de Kreisstraat 54, de in’n Noordwesten över Swegen un Swingenborg na Büttel geiht un in’n Oosten över Langendammsmoor na de Landsstraat 135. Von Swingenborg geiht de K 54 na Holt un Speckje un bi Stotel an de Bundsstraat 437.

De nächste Autobahn is de Autobahn 27 (Afsnidd BremenBremerhoben). Ofschoonst de Autobahn direkt an dat Dörp langsgeiht, sünd dat bet na de Opfohrt 11 Stotel in’n Noorden von Neenlannermoor an de B 437 so söss Kilometer.

De nächsten Bahnhööv sünd so bi 13 Kilometer wied weg in’n Noordoosten de Bahnhoff Lox un de Bahnhoff Luunst an de Bahnlien Bremen–Bremerhoben. Op de Nedderwerserbahn hett dat von 1911 bet 1964 Personenverkehr geven. De Bahnhoff Büttel leeg veer Kilometer in’n Noordwesten.

ScholenÄnnern

De Kinner ut Neenlannermoor gaht na de Grundschool Stotel. Fröher harr de Oort en egen Volksschool, de 1839 toeerst in en Buurnhuus ünnerbrocht weer. Eerst 1849 hett de Oort en egen Schoolhuus kregen.

LiteraturÄnnern

  • Elke Hamann: Kennt ji dat Dörp Schwegen? Chronik aus fünf ehemaligen Moorkolonien: Schwegen, Reepen, Neuenlandermoor, Langendammsmoor und Bramstedtermoor. Dörpgemeenschop Swegen, 2004

FootnotenÄnnern

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 164
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 52