Eindörp

Wapen/Flagg

Koort

Basisdaten

Bundsland: Neddersassen

Landkreis: Stood

Gemeen: Buxthu

Inwahners:

743 (2017-12-3131. Dezember 2017)

33 m över NHN

21614

04161

Koordinaten:53° 27′ N, 9° 42′ O53° 27′ N, 9° 42′ O

Eindörp (hoochdüütsch Eilendorf) is en Dörp in de Gemeen Buxthu in’n Landkreis Stood, Neddersassen.

Geografie

De Naveröörd sünd Buxthu in’n Noorden, Eindörpermoor in’n Noordoosten, Imbeek in’n Oosten, Pippens in’n Süden un Ottens in’n Westen.

Historie

Steen an de Landscheed

Toeerst in de Oorkunnen kummt de Oort 1197 vör.

Nadem 1932 de Landkreis Horborg mit’n Landkreis Winsen tohoopleggt worrn is, hett dat mit Eindörp un Eyendörp twee Öörd in’n Kreis geven, de op hoochdüütsch densülven Naam harrn (Eyendorf). Dorüm hett Eindörp 1936 den ne’en hoochdüütschen Naam Eilendorf kregen.

Eindörp leeg vör 1859 in’t Amt Mesborg, denn bet 1885 in’t Amt Töst un weer na 1885 Deel von’n Kreis Horborg un von 1932 af an Landkreis Horborg. Eindörp is an’n 1. Juli 1972 bi de Gemeenreform in Neddersassen mit de Gemeen Buxthu tohoopleggt worrn un dorbi von’n Landkreis Horborg to’n Landkreis Stood wesselt.

Inwahnertall

Johr	Inwahners
1824-00-001824^[1]	6 Füürsteden
1848-00-001848^[2]	56 Lüüd, 10 Hüüs
1871-12-011. Dezember 1871^[3]	89 Lüüd, 14 Hüüs
1910-12-011. Dezember 1910^[4]	163
1925-00-001925^[5]	176
1933-00-001933^[5]	145
1939-00-001939^[5]	144
1997-00-001997^[6]	630
2006-12-3131. Dezember 2006^[6]	750

Religion

Eindörp is evangeelsch-luthersch präägt un höört to dat Kaspel von de Nicolai-Kark in Ilsdörp.

För de Kathoolschen is de St.-Maria-Kark in Buxthu tostännig.

Wapen

Dat Wapen wiest baven op gollen Grund en blauen Lööw (Lümborger Lööw) un ünnen op grönen Grund en sülvern Stubben mit en Ex dor in.

Weertschop un Infrastruktur

Verkehr

An Eindörp langs löppt de Landsstraat 141, de in’n Süden na Pippens un Mesborg geiht. In’n Noorden löppt de Straat in Buxthu an de Bundsstraat 73 ran. En lüttjere Straat geiht ans noch na Eindörpermoor.

In’n März 2011 hett dat Dörp ne’e gele Oortsschiller kregen, op de nu ok de plattdüütsche Naam blangen den hoochdüütschen mit op steiht.

Scholen

Na Grundschool gaht de Kinner op de Grundschool Ooldklooster.

Ver- un Entsorgung

För dat Afwater is de Stadtentwässerung Buxthu tostännig.

Lüüd

De Politiker Karl Nobel is 1904 in Eindörp boren.

Footnoten

↑ C. H. Jansen: Statistisches Handbuch des Königreichs Hannover. 1824, Sied 178: http://books.google.de/books?id=tG0AAAAAcAAJ&pg=PA178
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 99: http://books.google.de/books?id=eOI-AAAAcAAJ&pg=PA99
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131
↑ http://www.gemeindeverzeichnis.de/gem1900/gem1900.htm?hannover/harburg.htm
↑ ^a ^b ^c http://www.verwaltungsgeschichte.de/harburg.html
↑ ^a ^b http://www.buxtehude.de/v1/UPLOAD/Formulare/Buergerservice/Einwohnerstatistik 2006.pdf

Oortschoppen von de Gemeen Buxthu

[InwahnertallRef1-1] C. H. Jansen: Statistisches Handbuch des Königreichs Hannover. 1824, Sied 178: http://books.google.de/books?id=tG0AAAAAcAAJ&pg=PA178

[InwahnertallRef2-2] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 99: http://books.google.de/books?id=eOI-AAAAcAAJ&pg=PA99

[InwahnertallRef3-3] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131

[InwahnertallRef4-4] ttp://www.gemeindeverzeichnis.de/gem1900/gem1900.htm?hannover/harburg.htm

[verwg.de-5] ttp://www.verwaltungsgeschichte.de/harburg.html

[inwstat-6] ttp://www.buxtehude.de/v1/UPLOAD/Formulare/Buergerservice/Einwohnerstatistik 2006.pdf

[1]

[2]

[3]

[4]

[5]

[6]