Fohrendörper Kanaal

De Fohrendörper Kanaal is en Waterloop in’n Landkreis Rodenborg, de von links in de Oost münnt.

Fohrendörper Kanaal
Laag Landkreis Rodenborg
Stroomsystem Elv
Afströömrebeed 45,61[1] km²
Born bi Brillit
Münn bi Sprekens in de Oost
Waterkenntall DE: 59838
linke Blangenströöm Bornbrookbeek, Poggenmöhlenbeek, Barcheler Beek
Kanaal bi Sprekens mit de Brügg von de K 102

Bevör he in de Tied von de Moorkolonisatschoon von dat Düvelsmoor as Kanaal utboot worrn is, hett de Waterloop Sünnerbeek oder Sprekenser Beek heten.

De Utgangspunkt von’n Fohrendörper Kanaal is bi Brillitermoor un Oosterweed. De Kanaal spiest sik ut en lütten Beek, de in’t Holt Franzhoorn in’n Noorden von Brillit sien Born hett. De Kanaal flütt toeerst na Süüdoosten twüschen Brillitermoor un Oosterweed dör un dreiht denn in’n Westen von Friedrichsdörp na Noorden.

Bi Fohrendaal dreiht de Kanaal denn op Noordoosten. He nimmt von links den Bornbrookbeek, den Poggmöhlenbeek un den Barcheler Beek op. Op dat rechte Över doot hier en ganze Reeg Gravens in’n Kanaal münnen, de dat Water ut dat Rebeed von Fohrendörp opnehmen doot.

Bi Sprekens münnt de Kanaal denn in de Oost.

Dat Water in de Oost flütt denn wieder in de Elv un in de Noordsee.

Toströöm ännern

De Bornbrookbeek hett sien Born twüschen Basdaal, Kluust un Nee-Öös, flütt na Süüdoosten un nimmt in’t Basdaler Holt den Ulenbarggraven op, de sien Born bi’n Ulenbarg in’n Süden von Basdaal hett. De Bornbrookbeek dreiht denn na Noordoosten un münnt bi Fohrendörp in’n Fohrendörper Kanaal. Allens tohoop hett de Beek en Afströömrebeed von 8,66 km².

De Poggmöhlenbeek hett sien Born in’n Noordwesten von Basdaal un flütt von dor na Süüdoosten. In Kluust geiht de Bundsstraat 71 över em weg un he flütt denn an Nee-Öös un Poggmöhlen langs un münnt bi Fohrendörp in’n Fohrendörper Kanaal. Allens tohoop hett de Beek en Afströömrebeed von 8,75 km².

De Barcheler Beek hett sien Born in’n Westen von Barchel. Von dor flütt he na Süüdoosten un münnt bi Fohrendörp in’n Fohrendörper Kanaal. Allens tohoop hett de Beek en Afströömrebeed von 12,81 km².

Footnoten ännern

  1. Gewässergütebericht ELBE 2000 Niedersachsen.


Koordinaten:53° 27′ N, 9° 7′ O