Hauptmenü öffnen
Wapen/Flagg Koort

Wapen vun Brillit

Brillit
Laag vun Brillit in Düütschland
Basisdaten
Bundsland: Neddersassen
Landkreis: Rodenborg
Gemeen: Gnarrenborg
Inwahners: 922 (2011-12-3131. Dezember 2011)
Postleettall: 27442
Vörwahl: 04763
Geograafsche Laag:
Koordinaten:53° 25′ N, 8° 60′ O
53° 25′ N, 8° 60′ O
KuhsKuhstermoorGlinstFohrendörpKlenkendörpBrillitKorlshöbenLangenhusenGnarrenborgFindörp (Düvelsmoor)Barkhusen (Gnarrenborg)Augustendorp
Laag von Brillit in de Gemeen Gnarrenborg (Koort lett sik anklicken)

Brillit is en Dörp in de Gemeen Gnarrenborg in’n Landkreis Rodenborg, Neddersassen. Blangen Brillit sülvs höört ok de Oortsdelen Hasselhorst, Franzhorn un Brillitermoor to Brillit.

GeografieÄnnern

Brillit liggt op de Geest an’n Rand von dat Düvelsmoor.

De Naveröörd sünd Basdaal in’n Noorden, Öös in’n Noordoosten, Oosterweed un Langenhusen in’n Oosten, Rööfhorst, Gnarrenborg un Kuhs in’n Süden, Ooldwist in’n Westen un Volkmarst in’n Noordwesten.

HistorieÄnnern

 
10-Mark-Schien mit Brillit as Meetpunkt

Brillit kummt 1500 in dat Vörder Register toeerst in de Oorkunnen vör. De Oord is aver woll al düüdlich öller. De Naam warrt afleidt von Breden Liet. En Liet weer en Afhang, so as de Afhang von de Geest na dat Düvelsmoor hen.

1824/1825 weer Brillit een von de Meetpunkte von de Gaußsche Landsopnahm von Carl Friedrich Gauß. Gauß hett do ok en Tied mit Meetarbeiden in Gnarrenborg un Brillit tobrocht. En Utsnidd von dat Meetnett weer op’n 10-Mark-Schien afbillt, de von 1991 bet 2001 in Ümloop weer (Borgeld von de Düütsche Mark).

1929 is de Oort Rööfhorst Deel von de Gemeen Brillit worrn.

Brillit is an’n 8. April 1974 bi de Gemeenreform in Neddersassen mit de Gemeen Gnarrenborg tohoopleggt worrn.

InwahnertallÄnnern

Johr Inwahners
1824-00-001824[1] 9 Füürsteden
1848-00-001848[2] 93 Lüüd. 18 Hüüs
1910-12-011. Dezember 1910[3] 247
1925-00-001925[4] 371
1933-00-001933[4] 515
1939-00-001939[4] 518
2005-12-3131. Dezember 2005 948
2008-12-3131. Dezember 2008 940
2011-12-3131. Dezember 2011[5] 922

ReligionÄnnern

Brillit is evangeelsch-luthersch präägt un höört to dat Kaspel Karkwist. Siet 1963 gifft dat in Brillit en Gemeenhuus, dat ok as Kark bruukt warrt. To dat Gemeenhuus höört en Klockentoorn.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

De Karkhoff von Brillit liggt an de Franzhorner Straat.

OortsvörsteihersÄnnern

  • opstunns: Erwin Murken

WapenÄnnern

Dat Wapen von Brillit wiest op grönen Grund en sülvern Spitz. Op de Spitz is en Klockentoorn in swart to sehn. Vörn blangen de Spitz en sülvern Haal un achtern blangen de Spitz en sülvern Kleverbladd.

De Toorn is de Klockentoorn von dat Gemeenhuus in Brillit.

KulturÄnnern

MuseumsÄnnern

Brillit hett en Kartuffelmuseum.

Weertschop un InfrastrukturÄnnern

Brillit hett en egene freewillige Füürwehr.

VerkehrÄnnern

Brillit liggt an de Kreisstraat 104, de in’n Oosten na Fahrendörp/Klenkendörp/Langenhusen an de Kreisstraat 102 ran geiht un in’n Westen mit de Bundsstraat 74 verbunnen is. Ans geiht noch na Süden to en Straat na Gnarrenborg.

ScholenÄnnern

Brillit hett en Kita. De Kinner gaht na de Grundschool Klenkendörper Möhl in Oosterweed, de 1967 inricht worrn is.

LiteraturÄnnern

  • Michael Ehrhardt: Brillit: Osterwede, Franzhorn, Rübehorst, Hasselhorst, Brillitermoor, die Geschichte des Dorfes und seiner Ortsteile. 1995

FootnotenÄnnern

  1. C. H. Jansen: Statistisches Handbuch des Königreichs Hannover. 1824, Sied 88: http://books.google.de/books?id=tG0AAAAAcAAJ&pg=PA88
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 148: http://books.google.de/books?id=eOI-AAAAcAAJ&pg=PA148
  3. http://www.gemeindeverzeichnis.de/gem1900/gem1900.htm?hannover/bremervoerde.htm
  4. a b c http://www.verwaltungsgeschichte.de/bremervoerde.html
  5. http://www.gnarrenburg.de/default.cfm?mid=32741

WeblenkenÄnnern

  Brillit. Mehr Biller, Videos oder Audiodateien to’t Thema gifft dat bi Wikimedia Commons.