Barchel
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 10,33 km² | |
| Inwahners: | ||
| Hööchd: | 8 m över NN | |
| Postleettall: | 27432 | |
| Vörwahl: | 04766 | |
| Geograafsche Laag: | Koordinaten:53° 28′ N, 9° 2′ O53° 28′ N, 9° 2′ O | |
|
| ||
Barchel is en Dörp in de Gemeen Örel (Samtgemeen Geestborn), in’n Landkreis Rodenborg, Neddersassen.
Geografie
ännernDe Naveröörd sünd Örel in’n Noordoosten, Bremervöör mit Tingo in’n Oosten, Sprekens un Fohrendörp in’n Süüdoosten, Fohrendaal in’n Süden, Poggmöhlen, Öös un Basdaal in’n Süüdwesten un Hipst in’n Noordwesten.
Historie
ännernDat Dörp kummt in’t 14. Johrhunnert as Berchelte toeerst in en Oorkunn von dat Good Poggmöhlen vör. Wohrschienlich hett de Naam Berchelte mit en germaanschen Personennaam Berchthold to doon.
In’n Eersten Weltkrieg sünd ölven Soldaten ut Barchel fullen oder vermisst, un in’n Tweten 34[1].
De Gemeen Barchel is 1974 bi de Gemeenreform in Neddersassen mit de Gemeen Örel tohoopleggt worrn.
Inwahnertall
ännern| Johr | Inwahners |
|---|---|
| 1824[2] | 21 Füürsteden |
| 1848[3] | 212 Lüüd, 39 Hüüs |
| 1. Dezember 1910[4] | 291 |
| 1925[5] | 331 |
| 1933[5] | 354 |
| 1939[5] | 352 |
Religion
ännernBarchel is evangeelsch-luthersch präägt un höört to dat Kaspel von de Gangolf-Kark in Örel.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Wapen
ännernDat Wapen von Barchel wiest op sülvern Grund dree gröne Barken mit sülvern Stamm, de op en grönen Schildfoot staht. Op’n Schildfoot opleggt sünd twee Pielspitzen un een Urn to sehn.
Kultur
ännernEn Denkmaal för de Fullenen ut de twee Weltkrieg’ steiht in Barchel op’n Karkhoff.
Verenen
ännernDe Schüttenvereen Barchel is 1951 grünnt worrn. Sport warrt in’n TSV Örel-Barchel dreven.
Infrastruktur
ännernBarchel hett en egen lütt Freebad.
De Freewillige Füürwehr is 1923 grünnt worrn.
Verkehr
ännernBarchel liggt an de Bundsstraat 71/74, de in’n Noordoosten över Örel na Bremervöör löppt un dor ok mit de B 495 verbunnen is. De B 71/74 geiht in’n Süüdwesten na Basdaal un deelt sik dor in de B 71, de över Beverst un Bexhöv na Bremerhoben löppt, un de B 74, de över Kuhs na Oosterholt-Scharmbeek un Bremen geiht. Ans gifft dat noch lüttjere Straten na Öös un Hipst.
Fröher harr Barchel en lütten Bahnhoff an de Moorexpress-Lien, vondaag föhrt dor aver keen Tog mehr langs. De nächsten Bahnhööv sünd nu in Örel un Bremervöör an de Bahnlien Bremerhoben–Buxthu.
In Tokumst schall de Autobahn 20 bi een Kilometer in’n Noorden von Barchel langslopen.
Literatur
ännern- Rainer Brandt: Oerel 937-1987; die Geschichte der Dörfer Oerel, Barchel und Glinde mit vielen alten Fotografien. 1987
Footnoten
ännern- ↑ http://denkmalprojekt.org/2011/barchel-gemeinde-oerel_wk1_wk2_ns.html
- ↑ C. H. Jansen: Statistisches Handbuch des Königreichs Hannover. 1824, Sied 36: http://books.google.de/books?id=tG0AAAAAcAAJ&pg=PA36
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
- ↑ a b c http://www.verwaltungsgeschichte.de/bremervoerde.html
