De Gemeen in Belize is en Verwaltungseenheit, de ünner den Gesamtstaat Belize un de söss Distrikte liggt. Dat gifft üm un bi 200 Gemenen in Belize, de sik in dree Typen opdeelt: twee Städer (City), söven Lüttstäder (Town) un de Rest Dörper (Village).

De Städer (Belize-Stadt un Belmopan) un de Lüttstäder (Benque Viejo del Carmen, Corozal Town, Dangriga, Orange Walk Town, Punta Gorda Town, San Ignacio/Santa Elena un San Pedro Town) wählt tohoop mit de Parlamentswahlen in Belize en Stadtraad (City Council[1][2] oder Town Council[3]) wieldes de Dörper in separate Kommunaalwahlen en Dörpraad (Village Council oder Community Council) wählt.[4] De Stadträäd sünd gliektiedig bi welk Themen ok för de Dörper ümto mit tostännig.

In’n Distrikt Toledo un in welk Dörper, in de vör allen Maya leevt, gifft dat tosätzlich en Alcalde.

De Dörprääd bestaht deelwies siet de Johren 1950, hebbt aver eerst 1999 mit’n Village Councils Act en formellen Rahmen kregen. Von 1891 bet 1981 harr ok Monkey River Town den Status von en Town, is denn aver von wegen de ringer worrn Inwahnertall to en Dörp maakt worrn.

Footnoten ännern

  1. Belize City Council Act
  2. Belmopan City Council Act
  3. Town Councils Act
  4. Village Councils Act