Drangst

Drangst (hoochdüütsch Drangstedt) is en Dörp un Oortschop in de Gemeen Geestland in’n Landkreis Cuxhoben, Neddersassen mit 1477 Inwahners.

Wapen/Flagg

Koort

Basisdaten

Bundsland: Neddersassen

17,02 km²

1.477 (2011-12-3131. Dezember 2011)

Inwahnerdicht:

86,8 Inwahners pro km²

9 m över de See

27624

04704

Koordinaten:53° 37′ N, 8° 45′ O53° 37′ N, 8° 45′ O

Gemeenslötel:

03 3 52 013

Öörd in de Gemeen:

1

Websteed:

www.bad-bederkesa.de

Geografie

Drangst liggt in en Rebeed von Masch, Moor un Geest. de Oort is von üm un bi 6,45 km² Holt ümgeven, wat een von de gröttsten Büsch in dat Elv-Werser-Dreeeck is. An’n Noordoostrand von dat Dörp liggt dat Naturschuulrebeed Ahlershorst. De Noordoosten von Drangst warrt sien Water över den Hemendörper Aftog na’n Fickmöhlener Randkanaal loos, de Süüdwesten över den Wehdener Randgraven na de Grote Beek.

De Naveröörd sünd Stüh in’n Noorden, Fickmöhlen in’n Noordoosten, Beers in’n Oosten, Alfst in’n Süüdoosten, Elm in’n Süden, Laven in’n Süüdwesten, Wehden un Debst in’n Westen un Hemendörp in’n Noordwesten.

Historie

De öllsten Funnen in Drangst sünd de över 100 Hünengräver. De Hünenbedden von Drangst ut de Jungsteentied twüschen 3500 un 2800 v. Chr. sünd in’t Knüppelholt in’n Westen von Drangst to finnen.

Drangst kummt an’n 24. August 1312 as Dranckestede toeerst in de Oorkunnen vör, as Hinnerk von Elm sien Huus un Land an dat Klooster Olenwoold för teihn Mark verpannt hett.

De Naam von dat Dörp kummt wohrschienlich von en Steed, an de dat Veh supen kunn (Drank-Steed).

1942 hebbt se in’n Tweten Weltkrieg in’t Knüppelholt en Lazarett för Wehrmacht-Soldaten anleggt. Dat Lazarett is von 1944 af an ok as Krankenhuus bruukt worrn, in dat Patschenten opnahmen worrn sünd, de in de utbummt Krankenhüüs von Bremerhoben nich mehr ünnerkamen kunnen. 1952 is dor en Statschoon för Tuberkuloos-Kranke tokamen un dor sünd MTA-Schölers utbillt worrn.

Von’n 1. April 1967 af an weren dor de Marienlehrkumpanie för Verwendung in’t Butenland un de Schippstammleitsteed Drangst ünnerbröcht un von’n 1. April 1973 bet 22. Dezember 1982 hett dat in Drangst en Butensteed von de Marienoortungsschool mit de Lehrgrupp Grundutbillung geven. 1982/1983 hebbt in de Anlagen Flegersoldaten von’n Flegerplatz Noordholt un von de US Army wahnt. Na 1983 sünd de Anlagen afreten worrn. Von de olen Baracken staht vondaag noch veer, de nich afreten worrn sünd, vonwegen dat dor nu Fladdermüüs in leven doot.

Verwaltungsgeschicht

Drangst hett bet 1859 in de Vaagdie Drangst in dat Amt Beers legen un weer denn in dat Amt Leh. 1885 is Drangst Deel von’n Kreis Leh worrn un hett na 1932 to’n Landkreis Wersermünn tohöört. 1977 is de Landkreis Wersermünn denn Deel von’n Landkreis Cuxhoben worrn.

An’n 1. April 1971 is Drangst Liddmaat von de eerste Samtgemeen Beers worrn. Dat hett aver blots bet to’n 1. März 1974 duurt, denn is Drangst Deel von de ne’e, gröttere Samtgemeen Beers worrn.

Drangst is to’n 1. Januar 2015 mit de annern Gemenen von de Samtgemeen Beers un de Stadt Langen to de Gemeen Geestland tohoopgahn. Drangst billt nu en Oortschop mit egen Oortsraad un Oortsbörgermeester binnen disse Gemeen.

Inwahnertall

Johr	Inwahners
1824-00-001824^[1]	41 Füürsteden
1848-00-001848^[2]	283 Lüüd, 52 Hüüs
1910-12-011. Dezember 1910^[3]	423
1925-00-001925^[4]	531
1933-00-001933^[4]	586
1939-00-001939^[4]	610
2011-12-3131. Dezember 2011	1.477

Religion

Drangst is evangeelsch-luthersch präägt un höört to dat Kaspel von de Leevfroon-Kark in Elm.

Wapen

Dat Wapen von Drangst wiest op sülvern Grund en grönen Barg över en sülvern Schildfoot. Op’n Barg is en gollen Ossenkopp mit sülvern Höörn to sehn. Baven sünd twee gröne Dannenbööm to sehn.

Politik

Gemeenraad/Oortsraad

Gemeenraad
Johr \ Partei	Tall	CDU	SPD
2001	11	6	5
2006	11	6	5
2011	11	5	6

Liddmaten

2011:
CDU: Heike Duryn, Rüdiger Dasenbrock, Heinrich Kimker, Rafael Platek, Nils Vogelsänger

SPD: Peter Pommer, Helmut Wöhlke, Uwe Lorenz, Ursula Albers, Vera Neuenfeldt, Peter Reumann

Oortsraad
Johr \ Partei	Tall	CDU	SPD
2014	7	5	2
2016	7	5	2

Liddmaten

2014:
CDU: Steffen Heister, Alexandra-Michaela Müller, Pascal Otten, Rafael Platek, Nils Vogelsänger

SPD: Ursula Albers, Uwe Lorenz
2016:
CDU: Steffen Heister, Alexandra-Michaela Müller, Pascal Otten, Rafael Platek, Nils Vogelsänger

SPD: Ursula Albers, Uwe Lorenz

Börgermeesters/Oortsbörgermeesters

Börgermeesters:

Tied	Börgermeester	Partei
2001-31. Dezember 2014	Peter Pommer	SPD

Oortsbörgermeesters:

Tied	Börgermeester	Partei
1. Januar 2015–	Rafael Platek	CDU

Kultur

Verenen

De Schützenvereen Drangst is 1875 grünnt worrn. De Oort hett ok en Freewillige Füürwehr.

Weertschop un Infrastruktur

Verkehr

Drangst liggt an de Landsstraat 120, de in’n Westen över Debst na Langen löppt un in’n Oosten na Beers. In’n Noordwesten löppt de Kreisstraat 65 na Hemendörp un in’n Süden de K 60 na Elm. Över de L 120 is de Oort ok an de Autobahn 27 anslaten, de so fiev Kilometer in’n Westen von Drangst langslöppt.

De nächste Bahnhoff is de Bahnhoff Wremen an de Bahnlien Bremerhoben-Cuxhoben. 1896 harr dat Dörp ok en egen Bahnhoff an de Bahnlien Bremerhoben-Beers kregen, de 1968 aver wedder dichtmaakt hett. De Bahnlien warrt vondaag as Museumsbahn bedreven.

Scholen

Drangst hett mit de Grundschool Drangst en egen Grundschool un ok en Kinnergoorn.

Lüüd

De Juristin Barbara Ambrosius is 1944 in Drangstedt boren, jüstso as de Politikerin Brigitte Adler un de Politiker Bernd Ravens. De Politiker Torsten Lange is 1945 in Drangst boren un Werner Hoyer 1946.

Literatur

Helmut Wöhlke: Gemeinde Drangstedt. 685 Jahre: Ein Norddeutsches Dorf im Wandel der Zeit 1312-1997. Sülvsverlag, Drangst 1998
Drangstedt. 700 Jahre 1312-2012. Veränderung eines Dorfbildes. 2012