Gericht Swing

Dat Gericht Swing weer en lütt Patrimonialgericht un Verwaltungsrebeed in Bremen-Veern un in dat Königriek Hannover binnen de Landdrostie Stood. Dor hett blots dat Dörp Swing tohöört. Gerichtsherrn weren de Familie von der Decken.

In’n Noorden is dat Gericht an dat Amt Himmelpoorten grenzt, in’n Oosten an dat Amt Stood-Gothenborg un in’n Süden an dat Amt Harsfeld.

Geografie

In’n Noordoosten von dat Gericht leeg dat Amt Stood, in’n Süden dat Amt Harsfeld un in’n Westen dat Amt Himmelpoorten (Stand 1848).

Historie

Dat Gericht Swing is 1784 grünnt worrn, as dat Amt Harsfeld de Gerichtsborkeit över Swing an de Besitters von dat Good Swing, de Familie von der Decken, aftreden hett.

1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Swing leeg in disse Tied in de Mairie Mulsen in’n Kanton Bremervöör. 1813 müssen de Franzosen dat Rebeed denn opgeven un de ole Stand is wedderkamen.

1848 weer dat Gericht so 16,73 km² groot.

An’n 18. März 1850 is dat Gericht Swing dör Verordnung von dat Königriek Hannover Deel von dat Amt Stood-Gothenborg worrn.

Öörd Stand 1848

	Oort	Lüüd	Hüüs	Aard	Status
	Swing	255	34	Dörp	Gemeen
	Hogenoher Steendamm	17	2	enkelte Hüüs
	Mulsener Steendamm	19	3	enkelte Hüüs
	Good Swing	11	1	Eddelgood	Gemeen

Inwahnertall

Johr	Inwahners
1810-00-001810	236 Lüüd, 30 Füürsteden
1823-00-001823	219 Lüüd, 31 Hüüs
1848-00-001848	302 Lüüd, 40 Hüüs

Richters

• ~1830/~1844: Hoffraad Georg Heinrich Stakemann, Stood
• ~1849: Amtmann Johann Caspar Peter Fischer, Stood