Mairie Mulsen
De Mairie Mulsen weer in de Franzosentied (1810 bet 1813) een von de dree Mairien, in de de Kanton Bremervöör indeelt weer. De Seet weer in Mulsen. Se harr 1037 Inwahners.[1]
Historie ännern
De Ümgegend von Mulsen hett vör de Franzosentied to de Böörd Mulsen von dat Amt Harsfeld in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Mulsen een von de twölv Mairien in’n Kanton Harsfeld von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Mulsen weer nu een von de dree Mairien in’n Kanton Bremervöör, Distrikt Stood, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de twee Mairien Mulsen un Swing (all beid in’n Kanton Harsfeld) höört harrn.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd ännern
Dor hebbt düsse Öörd tohöört:
- Kaiserriek Frankriek:[1]
- Mulsen, Hogenmoor, Tinst, Hemelingbossel, Eßel (tohoop 456 Inwahners)
- Swing, Lüttjen un Groot Freenbeek, Dinghoorn, Bokel (581 Inwahners)
Vondaag sünd düsse Öörd Deel von de Samtgemeen Freenbeek.
Footnoten ännern
- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 64
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 10