Good Hollenwisch
As Good Hollenwisch (hoochdüütsch Gut Holenwisch) warrt twee Eddelgöder in de Gemeen Wischhoben (Samtgemeen Noordkeden) in’n Landkreis Stood, Neddersassen, betekent. De Göder doot in’n lütten Oort Hollenwisch liggen, de polietsch von öllers bi Hamelwöörden bihöört.
En drüdd Good in Hollenwisch is al in dat 19. Johrhunnert utgahn ween.
Historie
ännernLütckenschen Hoff
ännernDat Good kummt in dat 13. Johrhunnert toeerst in de Oorkunnen vör un hett to de Tied Hermann von Lütcken tohöört. De Hoff harr ok groten Besitt op Kahlesand. Allens tohoop weer de Hoff to Anfang von dat 20. Johrhunnert 450 Hektar groot.
Dat hüdige Goodshuus is 1913 boot worrn. Eduard Hermann von Lütcken sien eenzigen Söhn is in’n Eersten Weltkrieg fullen. Nadem Eduard Hermann doodbleven is, hett dorüm sien Swiegersöhn, Georg von Reden-Reden den Hoff övernahmen. Eduard von Reden-Lütcken hett dat Goodshuus 1980 verköfft. Dat warrt nu von de Stiftung Bethel in’n Noorden as Inrichtung för chronische psychsche Krankheiten mit 31 Plätz bruukt. Ok bevör dat verköfft worrn is, weer dat al verpacht an’n Landkreis Stood un is as Olenhuus un Kinnerheim bruukt worrn.
Dat öllere Goodshuus is üm 1600 rüm boot un 1796 ümboot worrn. Dat steiht ok vondaag noch un is dat Wahnhuus von Eduard von Reden-Lütcken.
De üm un bi 100 Hektar Land, de vondaag noch to dat Good höört, sünd kumplett verpacht. De Familienbesitt in dat Land butendieks is an’n Staat verköfft worrn.
Goodsbesitters
ännern- –1669: Melchior von Lütcken
- 1669–1708: Arp Melchior von Lütcken
- 1708–1766: Hermann Georg von Lütcken
- –1819: Klaus Heinrich von Lütcken
- –1926: Eduard Hermann von Lütcken
- 1926–: Georg von Reden-Reden
- Georg Wilhelm von Reden-Lütcken
- vondaag: Eduard von Reden-Lütcken
Düringschen/Knesebeckschen Hoff
ännernDe Hoff hett de Familie von Düring tohöört. Em hett de Breemsche Dekaan Otto von Düring op dat Land boot, dat he von de Segemanns, Drewes un Stedingen köfft hett.
As Johann Friederich von Düring ahn Arven doodbleven is, hett siene Süster Christina Maria von Düring den Hoff arvt, de later Christian Ludewig von der Knesebeck freet hett. De Familie Knesebeck hett den Hoff 1777 an Jakob Wist verköfft. De Familie Wist weer för över hunnert Johr Besitter von dat Good. Na disse Tied is dat Good dör verscheden Hannen gahn.
Goodsbesitters
ännern- Otto von Düring
- –1616: Otto von Düring
- 1616–: Otto Diederich von Düring
- Wilhelm Günther von Düring
- Johann Friederich von Düring
- –1768: Christina Maria von Düring
- 1768–1777: Christian Ludewig von der Knesebeck
- 1777– Jakob Wist
- Sylvester
- Klaus von Allwörden
- –1978: Hermann von Allwörden
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Hamelwöörden in’n Kanton Freeborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Buurschop Hamelwöörden binnen dat Kaspelsgericht Hamelwöörden in dat Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden un 1932 is dat Deel von’n Kreis Stood worrn.
De Gemeen Hamelwöörden is later Deel von de Gemeen Wischhoben worrn.
Inwahnertall
ännern| Johr | Inwahners |
|---|---|
| 1791[1] | 2 Füürsteden |
| 1824[2] | 2 Füürsteden |
Religion
ännernDat Good Hollenwisch is evangeelsch-luthersch präägt un höört to dat Kaspel von de Dionysius-Kark in Hamelwöörden.
För de Kathoolschen is de Hillig-Geist-Kark in Stood tostännig.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 93
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 236
Koordinaten:53° 48′ N, 9° 19′ O