Mairie Hamelwöörden
De Mairie Hamelwöörden weer in de Franzosentied (1810 bet 1813) een von de fiev Mairien, in de de Kanton Freeborg indeelt weer. De Seet weer in Hamelwöörden. Se harr 1830 Inwahners.[1]
Historie
ännernDe Ümgegend von Hamelwöörden hett vör de Franzosentied to dat Grevengericht Bützfleet un dat Amt Wischhoben in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Hamelwöörden een von de söss Mairien in’n Kanton Drochters von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Hamelwöörden weer nu een von de fiev Mairien in’n Kanton Freeborg, Distrikt Stood, Departement von de Elvmünnen. De Mairie hett sik von de Grött nich groot ännert.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd
ännernDor hebbt düsse Öörd tohöört:
- Königriek Westfalen:[2]
- Kaiserriek Frankriek:[1]
- Hamelwöörden, Hollenwisch, Olendörp, Wischhoben, Köckweg, Hollerdiek (1566 Inwahners), Moor un Wulfsbrook (264 Inwahners)
Vondaag sünd düsse Öörd Deel von de Samtgemeen Noordkeden.
Footnoten
ännern- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 64
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 7