Kanton Freeborg

De Artikel „Kanton Freeborg“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.

De Kanton Freeborg weer as Kanton en Verwaltungsrebeed in de Franzosentied (1810-1813). De Seet weer Freeborg.

Historie

Dat Rebeed weer vörher Deel von dat Hertogdom Bremen (Kurförstendom Hannover) un hett dor to dat Grevengericht Freeborg höört.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.

Binnen Westfalen weer de Kanton Freeborg een von de Kantons in’n Distrikt Stood von dat Departement von de Elv- un Wersermünn. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Freeborg weer nu een von de teihn Kantons, ut de de Distrikt Stood in dat Departement von de Elvmünnen tohoopsett weer.

In’n Harvst 1813 hebbt de Russen de Franzosen slahn un dat Rebeed befreet. Dat Kurförstendom Hannover is denn 1813/1814 wedder herstellt worrn un de ole Stand von vör 1810 wedder dor.

De Kanton harr 11.734 Inwahners^[1] un weer indeelt in fiev Mairien:

Footnoten

↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 64

Kantons in’n Distrikt Stood (Königriek Westfalen, 1810–1811)

Kantons in’n Distrikt Stood (Kaiserriek Frankriek, 1811–1813)

[1] Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 64

[1]