Good Kumbarg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21781 | |
| Vörwahl: | 04777 | |
| Geograafsche Laag: | Koordinaten:53° 46′ N, 9° 4′ O53° 46′ N, 9° 4′ O | |
|
| ||
Good Kumbarg (hoochdüütsch Gut Cadenberg) is en Eddelgood in de Gemeen Kumbarg (Samtgemeen Land Hadeln) in’n Landkreis Cuxhoben, Neddersassen. Dat Good höört polietsch von öllers bi Kumbarg mit bi. Fröher hett de Hoff ok Eekhoff heten.
Geografie
ännernDat Good liggt op en Geestutlöper in’n Noorden von de Wingst, de in de Masch von de Oost rinreckt.
De Naveröörd sünd In’n Fellen un Braak in’n Noorden, Neenseebagen in’n Noordoosten, Klint un Freenhoff in’n Oosten, Oostercaadwisch in’n Süüdoosten, Bösenhörn in’n Süden, Kumbarg in’n Süüdwesten un Uhlenkamp in’n Noordwesten.
Historie
ännernDat Good kummt 1523 toeerst in de Oorkunnen vör un hett de Familie von Bremer tohöört. De eerste Besitter 1523 weer Adolf von Bremer. Dat hüdige Herrnhuus is 1724 boot worrn. Dat hett twee Etaaschen, is ut Backsteen boot un hett en Dwarsgevel. Op dat Walmdack sitt baven noch en hölten Dackrieder mit acht Ecken op. Dat Duvenhuus un de Schüün sünd 1747 boot worrn.
Dat öllere Goodshuus ut de Tied vör 1724 stünn en Stück in’n Noorden von dat ne’e Goodshuus. Dor is vondaag nix mehr von nableven.
De Mannslien von de Bremers is 1892 mit George Friedrich August von Bremer utstorven.[1] He harr aver een Dochter: Charlotte Sophie Stuart von Bremer. De hett noch bet 1931 leevt.[1] Na ehren Dood sünd de Göder von de Familie an’n 21. Dezember 1933 an de Hannöversche Siedlungssellschop verköfft worrn.[1]
Bet an’t Enn von dat 20. Johrhunnert is op dat Good noch Bueree mit Bullentucht dreven worrn.
Vondaag is dat Herrnhuus in’n Besitt von’n Landkreis Cuxhoben un dor is dat Internat von de Beroopschool Kumbarg ünnerbrocht. In dat Duvenhuus is en Museum un siet 2009 en Hotel ünnerbrocht. Dat Vörwark un de Weertschopsgebüüd von 1747 höört de Familie Söhle to.
Herrn
ännern- 1523–1588: Adolf von Bremer
- 1588–1597: Benedix von Bremer
- 1597–1626/1628: Georg von Bremer
- 1626/1628–1675/1676: Benedix von Bremer
- 1675/1676–1725: Dietrich von Bremer
- 1725–1733: Benedix Jürgen von Bremer
- 1733–1755: Dietrich von Bremer
- 1755–1779: Benedict von Bremer
- 1779–1836: Friedrich Franz Dietrich von Bremer
- 1836–1853: Karl Christian von Bremer
- 1853–1892: Georg Friedrich August von Bremer
- 1892–1931: Charlotte Sophie Stuart von Bremer
Verwaltungsgeschicht
ännernDat Good hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Inwahnertall
ännern| Johr | Inwahners |
|---|---|
| 1848[2] | 15 Lüüd, 1 Huus |
| 1. Dezember 1871[3] | 20 Lüüd, 2 Hüüs |
Religion
ännernDat Good Kumbarg is evangeelsch-luthersch präägt un höört to dat Kaspel von de Nicolai-Kark in Kumbarg.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
ännernVerkehr
ännernVon dat Good Kumbarg loopt Straten dör Kumbarg na de Bundsstraat 73, de in’n Noordwesten na Neehuus, Oterndörp un Cuxhoben geiht un in’n Süüdoosten över Hemmoor/Basbeek/Warstood un Himmelpoorten na Stood. In’n Süüdoosten geiht en Straat na Voigtding.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 30 Kilometer in’n Noordwesten von dat Good Kumbarg.
De nächste Bahnhoff is so bi een Kilometer wied weg in’n Süüdwesten de Bahnhoff Kumbarg an de Nedderelvbahn.
Footnoten
ännern- ↑ a b c d https://www.arcinsys.niedersachsen.de/arcinsys/detailAction?detailid=b3817
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 136: http://books.google.de/books?id=eOI-AAAAcAAJ&pg=PA136
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146: https://books.google.de/books?id=qTZDAQAAMAAJ&pg=RA2-PA146