Groot Thun

Wapen/Flagg

Koort

Basisdaten

Bundsland: Neddersassen

21680

04141

Koordinaten:53° 35′ N, 9° 27′ O53° 35′ N, 9° 27′ O

Groot Thun (hoochdüütsch Groß Thun) is en Oort in de Gemeen Stood in’n Landkreis Stood, Neddersassen.

Geografie

Groot Thun liggt op de Geest an’n Rand von de Maschen langs de Swing un op dat linke Över von’n Heidbeek. In’n Süden liggt de Barger Heid.

De Naveröörd sünd Stood in’n Noorden, Barg un Riensföör in’n Oosten, Hagen in’n Süden un Wiepenkathen in’n Westen.

Historie

Bi Groot Thun an de Swing liggt de Swedenschanz, wat en Borganlaag is, de ut dat 7. Johrhunnert stammt. Stück wieder in’n Süden gifft dat noch en twete archäoloogsche Fundsteed, dat Ole Dörp, dat groff ut de sülve Tied stammt as de Swedenschanz.

Bi Groot Thun hebbt se von 1934 af an den Flegerhorst Stood boot.

Vondaag is de Stadt Stood bet op 300 Meter an Groot Thun ranwussen, hett den Oort aver noch nich slaken.

Inwahnertall

Johr	Inwahners
1793-00-001793^[1]	5 Füürsteden*
1824-00-001824^[2]	5 Füürsteden*
1848-00-001848^[3]	34 Lüüd, 6 Hüüs*
1871-12-011. Dezember 1871^[4]	47 Lüüd, 9 Hüüs*

* tohoop mit Lütt Thun

Religion

Groot Thun is evangeelsch-luthersch präägt un höört bi dat Kaspel von de Johannis-Kark. Bevör de Johannis-Kark 1956 trech worrn is, hett de Oort to dat Kaspel von de Wilhadi-Kark in de Binnenstadt von Stood höört.

Infrastruktur

Verkehr

De eenzige Straat in Groot Thun driggt den Naam Groot Thun. De Straat löppt in’n Noordwesten na Stood rin un an de Bundsstraat 73 ran. In’n Oosten löppt de Straat na Riensföör an de Landsstraat 124. Ans gifft dat noch en lüttjere Straat na Süden, över den een na Hagen kamen kann.

Na Westen to is de Verkehr dör de Swing afsperrt. Blots en Brügg för Footgängers un Radfohrers löppt dor röver, över de een na Wiepenkathen kummt.

De nächste Bahnhoff is de Bahnhoff Stood an de Nedderelvbahn, de so bi 3,5 Kilometer weg is.

Literatur

T. Michel un Andreas Schäfer: Die frühmittelalterliche Burg von Groß Thun (Stadt Stade). Archäologie in Niedersachsen Bd. 10. Oldenburg 2007, 94-97.
T. Michel un Andreas Schäfer: Der Burgwall der Altsachsen in Groß Thun. Archäologie in Deutschland. Heft 1/2007, 47f.

Footnoten

↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 228: https://books.google.de/books?id=jN5QAAAAcAAJ&pg=PA228
↑ C. H. Jansen: Statistisches Handbuch des Königreichs Hannover. 1824, Sied 600: http://books.google.de/books?id=tG0AAAAAcAAJ&pg=PA600
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141: https://books.google.de/books?id=qTZDAQAAMAAJ&pg=RA2-PA141

De Artikel „Groot Thun“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.

[InwahnertallRef1-1] Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 228: https://books.google.de/books?id=jN5QAAAAcAAJ&pg=PA228

[InwahnertallRef2-2] C. H. Jansen: Statistisches Handbuch des Königreichs Hannover. 1824, Sied 600: http://books.google.de/books?id=tG0AAAAAcAAJ&pg=PA600

[InwahnertallRef3-3] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139

[InwahnertallRef4-4] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141: https://books.google.de/books?id=qTZDAQAAMAAJ&pg=RA2-PA141

[1]

[2]

[3]

[4]