Heinrich Kröger

Heinrich Kröger (ok woll Hein Kröger nömmt; * 1932 in Ohrenswohl) is en düütschen Paster un Schriever. He hett sik wetenschoplich mit Plattdüütsch in de Kark befaat.

Leven un Wark

Kröger is upwussen in Ohrenswohl in den Landkreis Stood un in Postmoor bi Hornborg an de Elv. 1952 hett he sien Abitur maakt an dat Athenäum in Stood. Vun 1952 bit 1957 studeer he Theologie in Hamborg, Tübingen, Heidelbarg un Chöttingen. 1957 maak he dat 1. Examen, 1959 dat 2. Examen. Vun 1959 - 1994 weer he Paster an de Lutherkark in Soltau in de Lüümborger Heid. 1996 is he in Chöttingen to'n Dokter in de Theologie promoveert wurrn. 1972 - 1992 weer he Vörsitter vun de „Arbeitsgemeinschaft plattdeutscher Pastoren in Niedersachsen“, vun 1992 - 1998 föhr he dor de Geschäften. Vun 1990 - 2001 is he denn Vörsitter vun de nee Plattform Plattdüütsch in de Kark ween. Vun 2001 af an föhrt he dor de Geschäften. Bavento is he vun 1979 af an Vörsitter vun de „Freudenthal-Gesellschaft“ un höört ok to de Jury för den „Freudenthal-Pries“, de jedet Johr utgeven warrt. Denn is he ok noch Vörsitter vun’t „Forum Plattdüütsch Soltau-Fambossel (SFA)“. Siet 1979 gifft he de Tietschrift „De Kennung“ mit rut un siet 1992 de „Soltauer Schriften“.

Wat he schreven hett

• Plattdüütsch in de Kark in drei Jahrhunderten, 4 Bännen, Chöttingen, 1996-2006

Wat he (mit) rutgeven hett

• Plattdüütsche Predigten in us' Tied, 1977
• Plattdüütsch Lektionar, 1981
• Louis Harms, Honnig, 5. Uplaag, 1981, rutgeven vun H. Kröger
• Dat Licht lücht in de Nacht, plattdüütsche Predigten, 1986
• Ick löw, ik bin en Stück von di..., Winner vun den Freudenthal- Pries, 2002