Hinkenbossel
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21261 | |
| Vörwahl: | 04188 | |
| Geograafsche Laag: | Koordinaten:53° 16′ N, 9° 47′ O53° 16′ N, 9° 47′ O | |
|
| ||
Hinkenbossel (hoochdüütsch Hoinkenbostel) is en Oort in de Gemeen Will (Samtgemeen Töst) in’n Landkreis Horborg, Neddersassen.
Geografie ännern
Knapp en Kilometer in’n Oosten von dat Dörp flütt de Eest langs.
De Naveröörd sünd Langeloh un Neddernhoff in’n Noorden, Hökel un Wörm in’n Oosten, Will in’n Süüdoosten, Kamp mit Kamperlien in’n Süden, Otter in’n Süüdwesten, Schillingsbossel un Knick in’n Westen un Töst un Glüsen in’n Noordwesten.
Historie ännern
Verwaltungsgeschicht ännern
In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.
Bet in de Midd von dat 19. Johrhunnert hett de Oort to de Gemeen Glüsen höört, is denn aver in de Gemeen Kamp wesselt. De Oort is an’n 1. Juli 1972 as Deel von de Gemeen Kamp mit de Gemeenreform in Neddersassen an de Gemeen Will kamen.
Inwahnertall ännern
| Johr | Inwahners |
|---|---|
| 1793[1] | 3 Füürsteden |
| 1812[2] | 23 |
| 1824[3] | 3 Füürsteden |
| 1848[4] | 35 Lüüd, 4 Hüüs |
| 1. Dezember 1871[5] | 24 Lüüd, 4 Hüüs |
Religion ännern
Hinkenbossel is evangeelsch-luthersch präägt un höört to dat Kaspel von de Nikodemus-Kark in Handörp. Disse Kark is 1957 bet 1959 boot worrn. Vörher hett de Oort to dat Kaspel von de Johannes-de-Döper-Kark in Töst höört.
För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.
Weertschop un Infrastruktur ännern
Verkehr ännern
Von Hinkenbossel loopt Straten na Noorden över Langeloh an de Bundsstraat 3 un de Kreisstraat 57 un in’n Süden bi Kamp an de Landsstraat 141. De L 141 löppt denn an de B 3 ran. De B 3 wedder löppt in’n Süden op Sneern un Soltau to un in’n Noorden an’n Triller Barg bi Bookholt an de B 75 un wieder an de B 73 bi Buxthu. K 57 un L 141 gaht in’n Westen na Töst. Von dor löppt de B 75 in’n Süüdwesten na Lauenbrüch, Scheeßl un Rodenborg.
De nächste Autobahn is de Autobahn 1. De Opfohrt 44 Raad liggt so 13 Kilometer in’n Noorden von Hinkenbossel.
De nächste Bahnhoff is so bi söss Kilometer wied weg in’n Oosten de Bahnhoff Töst an de Bahnlien Hamborg–Bremen.
Scholen ännern
De Kinner ut Hinkenbossel gaht na de Grundschool Handörp op School. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.
Footnoten ännern
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 110: https://books.google.de/books?id=jN5QAAAAcAAJ&pg=RA1-PA110
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 61: http://books.google.de/books?id=Q 5OAAAAcAAJ&pg=PA61
- ↑ C. H. Jansen: Statistisches Handbuch des Königreichs Hannover. 1824, Sied 288: http://books.google.de/books?id=tG0AAAAAcAAJ&pg=PA288
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131