Knick (Landkreis Horborg)

Wapen/Flagg	Koort
Basisdaten
Bundsland: Neddersassen Landkreis: Horborg Samtgemeen: Töst Gemeen: Otter
Inwahners:
Postleettall:	21259
Vörwahl:	04182
Geograafsche Laag:	53° 16′ N, 9° 44′ O

Knick (hoochdüütsch Knick) is en lütten Oort in de Gemeen Otter (Samtgemeen Töst) in’n Landkreis Horborg, Neddersassen. De Oort höört polietsch al von öllers bi Otter mit bi.

Geografie

De Oost hett ehren Born in’n Süüdwesten von Knick, in’n Süden flütt de Otterer Beek langs, de na de Wümm flütt un de Beken in’n Noorden un Oosten doot na de Eest fleten. Knick liggt dormit an de Waterscheed twüschen disse dree Strööm.

De Naveröörd sünd Glüsen in’n Noorden, Neddernhoff un Langeloh in’n Noordoosten, Hinkenbossel un Hökel in’n Oosten, Kamp mit Kamperlien in’n Süüoostden, Otter in’n Süden, Schillingsbossel in’n Süüdwesten un Wilst un Töst in’n Noordwesten.

Historie

Verwaltungsgeschicht

In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Töst in dat Amt Horborg tohöört. 1852 is de Oort in dat Amt Mesborg wesselt. Dor is he bet 1859 bleven, denn is dor dat Amt Töst von worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

Inwahnertall

Johr	Inwahners
1824-00-001824	1 Füürsteed
1848-00-001848	11 Lüüd, 2 Hüüs
1871-12-011. Dezember 1871	21 Lüüd, 3 Hüüs

Religion

Knick is evangeelsch-luthersch präägt un höört to dat Kaspel von de Johannes-de-Döper-Kark in Töst.

För de Kathoolschen is de Hillig-Hart-Jesu-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur

Verkehr

Dör Knick löppt de Landsstraat 141, de in’n Noordwesten na Töst un Hullnst geiht un in’n Süüdoosten na Will an de Bundsstraat 3. De L 141 krüüzt in Töst de B 75, de in’n Noordoosten an Bookholt langs na Horborg geiht un in’n Süüdwesten na Scheeßl un Rodenborg. In’n Süden geiht von de L&141 de K 41 af na Otter.

De nächste Autobahn is de Autobahn 1. De Opfohrt 46 Heidenau un de Opfohrt 45 Hullnst doot all beid so twölv Kilometer in’n Noordwesten von Knick liggen.

De nächste Bahnhoff is so bi twee Kilometer wied weg in’n Noordwesten de Bahnhoff Töst an de Bahnlien Hamborg–Bremen.

Scholen

De Kinner ut Knick gaht na de Grundschool Otter op School. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.