Holsselnerfeld
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27607 | |
| Vörwahl: | 04742 | |
| Geograafsche Laag: | Koordinaten:53° 41′ N, 8° 37′ O53° 41′ N, 8° 37′ O | |
|
| ||
Holsselnerfeld (hoochdüütsch Holßelerfeld) is en lütten Oort in de Gemeen Geestland in’n Landkreis Cuxhoben, Neddersassen. De Oort höört polietsch al von öllers bi Holsseln mit bi un is Deel von de Oortschop Holsseln binnen de Gemeen.
Geografie
ännernDe Naveröörd sünd Holsseln in’n Noorden, Niewohl in’n Oosten, Hemendörp in’n Süüdoosten, Sievern in’n Süden, Mulsen in’n Süüdwesten un Dorum in’n Westen.
Historie
ännernVerwaltungsgeschicht
ännernIn de Franzosentied von 1810 bet 1814 hett de Oort to de Mairie Niewohl in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Holsseln in de Böörd Debst, Amt Beers, tohöört un denn von 1852 bet 1885 to dat Amt Dorum. Na 1885 weer dat in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Oort höört von öllers bi Holsseln bi. Holsseln weer von 1971 bet 1974 Maat von de Samtgemeen Niewohl. Gemeen un Samtgemeen sünd mit de Gemeenreform in Neddersassen to’n 1. März 1974 oplööst worrn un dat Rebeed is Deel von de Gemeen Langen worrn. De Gemeen Langen is to’n 1. Januar 2015 ok oplööst worrn un Holsselnerfeld höört nu to de Gemeen Geestland.
Inwahnertall
ännern| Johr | Inwahners |
|---|---|
| 1812[1] | 5 |
| 1824[2] | 2 Füürsteden |
| 1848[3] | 6 Lüüd, 1 Huus |
Religion
ännernHolsselnerfeld is evangeelsch-reformeert präägt un höört to dat Kaspel von de Kark in Holsseln.
Weertschop un Infrastruktur
ännernVerkehr
ännernDör Holsselnerfeld löppt de Landsstraat 119, de in’n Süüdoosten na Niewohl un Beers geiht un in’n Westen na Dorum an de L 129. An’n Westrand von’n Oort warrt de L 119 von de de L 135 krüüzt, de in’n Noorden över Holsseln, Millm un Olenwoold na Cuxhoben geiht un in’n Süden över Sievern un Langen na Bremerhoben.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 4 Niewohl liggt so dree Kilometer in’n Oosten von Holsselnerfeld.
De nächste Bahnhoff is so bi dree Kilometer wied weg in’n Westen de Bahnhoff Dorum an de Bahnlien Bremerhoben–Cuxhoben.
Footnoten
ännern- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 104: http://books.google.de/books?id=Q 5OAAAAcAAJ&pg=PA104
- ↑ C. H. Jansen: Statistisches Handbuch des Königreichs Hannover. 1824, Sied 292: http://books.google.de/books?id=tG0AAAAAcAAJ&pg=PA292
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
