Host (Gemeen Snevern)

Wapen/Flagg	Koort
Basisdaten
Bundsland: Neddersassen Landkreis: Heidkreis Gemeen: Snevern
Inwahners:
Postleettall:	29640
Vörwahl:	04265
Geograafsche Laag:	53° 12′ N, 9° 42′ O

Host (hoochdüütsch Horst) is en lüttjen Oort in de Gemeen Snevern, in’n Landkreis Heidkreis, Neddersassen.

Geografie

Een Kilometer in’n Noordoosten flütt de Wümm langs un een Kilometer in’n Süüdwesten de Fintau. Dat Daal von de Wümm steiht as Böver-Wümmdaal ünner Naturschuul un dat von de Fintau as Böver-Fintaudaal un Finteler Machannellandschop.

De Naveröörd sünd Riepshoff un Töst in’n Noorden, Wümmgrund un Otter in’n Noordoosten (all in’n Landkreis Horborg), Schiel in’n Oosten, Wessloh un Eggersmöhl in’n Süüdoosten un Fintel, Haxloh un Vahl in’n Süüdwesten (de letzten dree in’n Landkreis Rodenborg).

Historie

Vör 1885 leeg de Oort in dat Amt Soltau un is denn Deel von’n Kreis Soltau wesen. 1977 is dat denn Deel von’n Landkreis Soltau-Fambossel (nu Heidkreis) worrn. De Oort höört von öllers bi de Gemeen Wessloh bi un is tohoop mit Wessloh 1974 Deel von de Gemeen Snevern worrn.

Inwahnertall

Johr	Inwahners
1824-00-001824	3 Füürsteden
1848-00-001848	24 Lüüd, 5 Hüüs

Religion

Host is evangeelsch-luthersch präägt un höört to dat Kaspel von de Peter-un-Paul-Kark in Snevern.

För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.

Weertschop un Infrastruktur

Verkehr

Host liggt an de Kreisstraat 31, de in’n Noordwesten in’n Landkreis Horborg to de K 23 warrt un över Wümmgrund un Königsmoor an de Bundsstraat 75 ran geiht. In’n Süüdoosten löppt de Straat över Wessloh un Issell na Snevern an de Landsstraat 170 ran.

De nächste Bahnhoff is de Bahnhoff Töst an de Bahnlien Bremen-Hamborg.