Königsmoor

Dit Woort hett noch annere Bedüden: kiek dorför ünner Königsmoor (Moor).

Königsmoor (hoochdüütsch Königsmoor) is en Gemeen in de Samtgemeen Töst in’n Landkreis Horborg in Neddersassen mit 605 Inwahners (Stand 31. Dezember 2023).

Wapen/Flagg

Koort

Basisdaten

Bundsland: Neddersassen

10,01 km²

605 (31. Dezember 2023)

39 m över de See

21255

04180

Koordinaten:53° 14′ N, 9° 38′ O53° 14′ N, 9° 38′ O

Grenzen bi OSM:

335195

Gemeenslötel:

03 3 53 022

Öörd in de Gemeen:

1

Börgermeester:

Matthias Schuback

Websteed:

www.gemeindekoenigsmoor.de

Koort

Kreis

Geografie

An’n Noordrand von de Gemeen flütt de Wümm langs. In’n Oosten liggt dat Naturschuulrebeed Sniggenstieg, in’n Noordwesten dat Ekelmoor un in’n Oosten dat Bövere Wümmdaal.

De Navergemenen sünd Wist un Töst in’n Noorden, Otter in’n Oosten, Snevern (Landkreis Heidkreis) in’n Süüdoosten, Fintel, Vahl, Lauenbrüch in’n Süden un Stemmen in’n Westen (de letzten veer in’n Landkreis Rodenborg).

De Naveröörd sünd Wümm un Avensermoor in’n Noordwesten, Töst-Land un Dreehusen in’n Noorden, Riepshoff, Depenbrook un Otter in’n Noordoosten, Wümmgrund in’n Oosten, Schiel un Wessloh in’n Süüdoosten, Host, Vosshusen, Fintel, Stell un Vahl in’n Süden un Dreehusen, Riep, Lauenbrüch, Stemmerfeld un Stemmen in’n Süüdwesten.

Historie

Kriegsfungenenlager in Königsmoor

Königsmoor is as Moorkolonie grünnt worrn. Fröher hett de Gegend Todtholtmoor oder Rieper Moor heten. Eerst 1860 hett de Oort den hüdigen Naam Königsmoor kregen. Dat Rebeed hett bi de Gemeen Wist bihöört.

1887 is de Moorversöökssstatschoon Königsmoor anleggt worrn, de aver blots bet 1890 bestahn hett. 1910 is denn as Aflegger von de Moorversööksstatschoon Bremen en ne’e Statschoon anleggt worrn, de bet 1974 Bestand harr. In’n Eersten Weltkrieg sünd so bi 1000 Kriegsfungene ut Russland, Belgien un England insett worrn, üm dat Moor dröögtoleggen.

Von so 1920 af an sünd de eersten Siedlersteden för 1000 Rieksmark je Hektar verköfft worrn. En egen Gemeen is Königsmoor eerst an’n 1. April 1957 worrn.

In’n Tweten Weltkrieg sünd 19 Soldaten ut Königsmoor fullen oder vermisst^[1].

Bi de Gemeenreform in Neddersassen to’n 1. Juli 1972 is de Gemeen unverännert bleven, aver Maat von de Samtgemeen Töst worrn.

Inwahnertall

Johr	Inwahners
1925-00-001925^[2]	115
1972-12-3131. Dezember 1972^[3]	492
1977-12-3131. Dezember 1977^[3]	517
1982-12-3131. Dezember 1982^[3]	474
1987-12-3131. Dezember 1987^[3]	498
1992-12-3131. Dezember 1992^[3]	555
1997-12-3131. Dezember 1997^[3]	613
2002-12-3131. Dezember 2002^[3]	627
2007-12-3131. Dezember 2007^[3]	656
2012-12-3131. Dezember 2012^[3]	626

Religion

Königsmoor is evangeelsch-luthersch präägt un höört to dat Kaspel von de Johannes-Kark in Töst.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Politik

Gemeenraad

Gemeenraad
Johr \ Partei	Tall	SPD	UWG	Gröne
2001	9	1	8
2006	9	2	7
2011	9	4	5
2016	9	1	7	1

Liddmaten

2001:
SPD: Matthias Schuback

UWG: Manfred Ahlers, Hans-Jürgen Dahl, Jürgen Marquardt, Andreas Riech, Roland Schnell, Gerhard Schulz, Karen Tiedemann, Axel Tödter
2006:
SPD: Matthias Schuback, Petra von Schassen

UWG: Hans-Jürgen Dahl, Jürgen Marquardt, Andreas Riech, Roland Schnell, Axel Tödter, Siegfried Twardowski, Michael-Werner Vollmer
2011:
SPD: Egid Felix Kaiser, Irma Oschlies, Matthias Schuback, Petra von Schassen

UWG: Uwe Kopp, Jürgen Marquardt, Axel Tödter, Siegfried Twardowski, Michael-Werner Vollmer
2016:
SPD: Irma Oschlies

UWG: Uwe Kopp, Jürgen Marquardt, Birgit Matthies, Andreas Riech, Matthias Schuback, Axel Tödter, Michael Vollmer

Gröne: Carsten Ritter

Börgermeesters

Tied	Naam	Partei
1957	Theodor Harras
–2001	Rudolf Kossack
2001–2011	Hans-Jürgen Dahl	UWG
2011–	Matthias Schuback	SPD/UWG

Wapen un Flagg

Dat Wapen von de Gemeen wiest op baven op grönen Grund en gollen Kroon un ünnen op sülvern Grund en swarten Barkhahn mit rode Wratt över dat Oog.

De Kroon steiht as Symbol för den König un de Barkhahn för dat Moor. De beiden Saken staht as sprechendes Wapen för den Naam von de Gemeen.

Dat Wapen is op de Sitzung von’n Gemeenraad an’n 24. Juni 1979 beslaten worrn. Utklamüsert hett dat de Grafiker Rolf Sander ut Ninndörp.

Ehrenbörgers

Ehrenbörgers von Königsmoor sünd:

Rudolf Kossack, üm un bi 30 Johr Börgermeester bet 2001

Kultur

De Moorhall

En Denkmaal för de Fullenen ut de twee Weltkrieg’ steiht in Königsmoor an de Hauptstraat.

De Grundsteen för dat Dörpgemeenschopshuus in Königsmoor (de Moorhall) is an’n 13. Oktober 1979 leggt worrn. Dat hett 770.000 D-Mark köst. Dat Richtfest weer an’n 3. Dezember 1979 un an’n 24. Mai 1980 is dat Huus inwieht worrn.

Verenen

Königsmoor hett en Schüttenvereen, de an’n 9. Juli 1969 grünnt worrn is. De Sportvereen Königsmoor 78 is 1978 grünnt worrn.

De Laienspeelgrupp Wümm-Königsmoor is an’n 21. Dezember 1948 grünnt worrn un föhrt elk Johr twee Stücken op Plattdüütsch op.

Brüük

Jümmer an’n Oostersünndag warrt in Königsmoor dat Oosterfüür anteken.

Weertschop un Infrastruktur

Verkehr

Dör Königsmoor löppt de Kreisstraat 23, de in’n Noordwesten in de Bundsstraat 75 münnt. De B 75 geiht in’n Noordoosten na Wist, Töst un Bookholt un in’n Süüdwesten na Scheeßl un Rodenborg. In’n Süüdoosten geiht de K 23 na Wümmgrund, Host un Wessloh. Na Süden geiht von de K 23 de K 35 af, de na Fintel löppt.

De nächste Autobahn is de Autobahn 1. De Opfohrt 46 Heidenau liggt so 18 Kilometer in’n Noorden von Königsmoor.

De nächste Bahnhoff is so bi ölven Kilometer wied weg in’n Noordoosten de Bahnhoff Töst an de Bahnlien Bremen–Hamborg. Von 1913 bet 1986 harr Königsmoor ok en egen Bahnhoff an de Bahnlien Bremen–Hamborg.

Scholen

Königsmoor hett keen egen School. Na Kinnergoorn gaht de Lütten in Wist, denn op de Grundschool Wist un later na de Hauptschool Töst, de Realschool Töst oder dat Gymnasium Töst.

Literatur

Ortrun Ruschmeyer, Karl Ruschmeyer: Königsmoor – Geschichte eines Dorfes aus dem Moor. 2010, ISBN 3000310479

Footnoten

Weblenken

Königsmoor. Mehr Biller, Videos oder Audiodateien to’t Thema gifft dat bi Wikimedia Commons.

Websteed von de Gemeen (hoochdüütsch)

Städer un Gemenen in’n Landkreis Horborg

[1] ttp://www.denkmalprojekt.org/dkm_deutschland/koenigsmoor_ns.htm

[InwahnertallRef1-2] ttp://www.gemeindekoenigsmoor.de/texte/seite.php?id=110571

[LSKN-3] ↑ ^a ^b ^c ^d ^e ^f ^g ^h ⁱ http://www.nls.niedersachsen.de/

[1]

[2]

[3]