Israel Jacinto „Rally“ Alpuche (* 11. September 1942 in Corozal; † 11. Juli 2014 ok dor) weer en Politiker ut Belize (UDP).

Alpuche is 1942 in Corozal boren.[1][2] He is to Anfang de Johren 1970 för de Corozal United Front (CUF) ünner Börgermeester Gabriel Hoare Viez-Börgermeester von Corozal ween, weer denn sülvs Börgermeester un is twee Maal wedderwählt worrn.[3][2] Nadem de CUF sik 1974 mit de United Democratic Party (UDF) tohoopslaten harr, weer he as UDP-Maat Börgermeester.

Alpuche weer bi de Parlamentswahl in Belize 1984 Kannedaat för de UDP in’n Wahlkreis Corozal Bay un hett sik mit 56,4 % von de Stimmen gegen Gregorio Garcia von de PUP dörsett.

He weer dormit von 1984 bet 1989 Afornten in dat Repräsentantenhuus von Belize. Tosätzlich weer he ünner Premierminister Manuel Esquivel von 1984 bet 4. Juni 1986 Minister för Energie un Kommunikatschoon[4] un von’n 4. Juni 1986 bet 1989 Minister för Gesundheit un weer dormit Maat von dat Kabinett Esquivel I.

Bi de Wahl 1989 weer he in’n sülven Wahlkreis wedder Kannedaat, kunn sik mit 47,2 % von de Stimmen aver nich gegen Juan Vildo Marin von de PUP dörsetten.

An’n 23. Dezember 1999 is he Commissioner of the Supreme Court an’n Böversten Gerichtshoff von Belize worrn.[5]

Alpuche is an’n 11. Juli 2014 in dat Corozal Community Hospital doodbleven.[4] He dee an Diabetes lieden.[4] Sien Truurfier weer an’n 12. Juli in de St. Francis Xavier Roman Catholic Church in Corozal.[4]

Ehren ännern

2015 hett dat Round House an’n Strand von Corozal em to Ehren en ne’en Naam kregen.[2]

Footnoten ännern

  1. The International Year Book and Statesmen's Who’s who. Burke’s Peerage Limited, 1998, Sied 660
  2. a b c Round House in Corozal renamed to honor an icon, The Guardian an’n 7. Mai 2015
  3. Former Minister and Area Rep Rally Alpuche Passes, 7 News Belize an’n 11. Juli 2014
  4. a b c d Patrick E. Jones: Former minister Israel Alpuche passes away, Breaking Belize News an’n 11. Juli 2014
  5. Commissioners of the Supreme Court, Belize Judiciary