C. L. B. Rogers
Carl Lindbergh Bernard Rogers, mehrstendeels afkört to C. L. B. Rogers, (* 25. Januar 1928 in Tela, Honduras; † 25. Juli 1996 in Belize-Stadt) weer en Politiker ut Brietsch-Honduras/Belize (PUP).
Tohoop mit Vernon Harrison Courtenay, Assad Shoman un Said Musa warrt he as een von de Vaders von de Verfaten von Belize ansehn, de 1981 beslaten worrn is.[1]
Leven
ännernRogers is 1928 in Tela in Honduras boren.[2] Sien Vader weer en Düütschen un sien Moder keem ut Belize.[2] Rogers weer op de Wesley Primary School in Belize-Stadt un hett denn keen wiederföhrende School mehr besöcht.[2]
He weer verheiraadt un harr 17 Kinner.[2]
Politik
ännernHe hett 1958 to de Mitgrünners von de National Independence Party (NIP) tellt un weer Schattmeester von de Partei. För de NIP is he in’n Dezember 1958 in’n Stadtraad von Belize-Stadt intagen. An’n 19. November 1959 is Rogers aver ut de NIP rut un hett sik de People’s United Party (PUP) anslaten.[3] 1962 is he för de PUP in’n Stadtraad von Belize-Stadt intagen un bet 1965 Afornten bleven.[4]
Bi de Parlamentswahl in Belize 1961 weer he Kannedaat för de PUP in’n Wahlkreis Mesopotamia un hett de Wahl mit 62,4 % von de Stimmen gegen Erlean Casasola von de NIP un Edward Usher von de CDP wunnen. Ok bi de Wahlen 1965 (52,2 % von de Stimmen gegen Colville Young, NIP), 1969 (52,7 % gegen Colville Young, NIP) un 1974 (53,9 % gegen Curl Thompson, UDP) kunn he sik in’n sülven Wahlkreis wedder dörsetten.
Bi de Wahl 1979 is he ok wedder antreden, hett dütmaal aver mit 47,2 % von de Stimmen gegen Curl Thompson verloren.
Dormit weer he von’n 26. März 1961 bet 21. November 1979 Afornten von de Legislativversammlung un denn von dat Repräsentantenhuus von Belize.
Rogers weer ünner Premierminister George Cadle Price von 1961 bet 1963 Minister för Arbeid un is 1963 Binnenminister worrn.[5] Tosätzlich hett he 1963 ok dat Amt as Viez-Premier övernahmen.[5] 1965 is he Minister för Gesundheit worrn.
Nadem he 1979 sien Seet in dat Repräsentantenhuus verloren harr, hett Premierminister George Cadle Price em in’n Senaat beropen.[6] So kunn Rogers ok ahn Seet in dat Repräsentantenhuus wieder Binnenminister blieven. As Minister för Gesundheit hett Assad Shoman övernahmen. Nadem Belize 1981 unafhängig worrn is, hett sik sien Amtstitel von Viez-Premier op Viez-Premierminister ännert. He is 1981 tosätzlich Minister för Verdeffenderen worrn.
Ut gesundheitliche Grünn hett Rogers siene Ministerposten an’n 6. Januar 1984 afgeven. As Minister för Verdeffenderen hett George Cadle Price övernahmen un as Binnenminister Vernon H. Courtenay.
Na siene Tied as aktiven Politiker weer he von 1990 bet 1993 Stännigen Vertreder von Belize bi de Vereenten Natschonen in New York.[2][5]
Footnoten
ännern- ↑ Chronological History of Belize Constitution
- ↑ a b c d e Stewart Krohn: Photo exhibition honours C.L.B. Rogers, Channel 5 Belize an’n 1. Oktober 2002
- ↑ Lita Hunter Krohn, Froyla Salam: Readings in Belizean History. National Institute of Culture & History, 2004 , Sied 183
- ↑ Myrtle Palacio: Belize City Council Election Results 1962 to 2003
- ↑ a b c Indrag op rulers.org
- ↑ Evan X Hyde: From the Publisher, Amandala an’n 26. September 2018
1963–1979: C. L. B. Rogers | 1979–1984: Assad Shoman | 1984–1986: Elodio Aragon Senior | 1986–1989: Israel Alpuche | 1989–1993: Theodore Aranda | 1993–1997: Ruben Campos | 1997–1998: Salvador Fernandez | 1998–1999: Servulo Baeza | 1999–2004: Jose Coye | 2004–2006: Juan Vildo Marin | 2006–2008: Jose Coye | 2008–2020: Pablo Marin | 2020–: Michel Chebat
1981–1984: C. L. B. Rogers | 1984–1989: Curl Thompson | 1989–1993: Florencio Marin Sr. | 1993–1998: Dean Barrow | 1998–2007: Johnny Briceño | 2007–2008: Juan Vildo Marin | 2008–2016: Gaspar Vega | 2016–2020: Patrick Faber | 2020: Hugo Patt | 2020–: Cordel Hyde