Johann Jakob Hoops

Johann Jakob Hoops (* 1840 in Zittens; † 1916 in Bremen) weer en düütschen Pädagoog.

Hoops is 1840 as Söhn von en Buur in Zittens boren. He weer veer Johr op de Volksschool in Groot Zittens un denn von 1850 af an op en Präparandenschool. Mit 14 Johr weer he Gehülpslehrer in Sievern bi Langen un 1855 in Laven. 1856 weer he Präparand an dat Lehrerseminar Stood un söss Weken later Hülpslehrer in Bossel in Oolland. 1858 hett he en Steed as Lehrer in Leh kregen un en Stoot later in Bremen in’n Oortsdeel Walle.

1860 hett he de Oberlehrerprüfung maakt un weer denn Schoolmeester von de eenklassige School in’t Nedderblockland. Von 1864 af an weer he veer Johrteihnten lang Oberlehrer un Schoolvörsteiher in Rabbelnhusen. He hett en Sünnerkunferenz von de breemschen Landscholen begrünnt. As polietsch Kunservativen weer he en Vertreder för den Religionsünnerricht. En Nakieksel as Realienbuch över dat Bedüden von de Wöör hett he nich mehr trechkregen.

He weer de Vader von Heinrich Hoops, Pastoor in Middelsbüren un von’n Heidelberger Universitätsperfesser Johannes Hoops.

De Hoopsweg in Rabbelnhusen is na em nöömt.

LiteraturÄnnern