Junkernhoos

Wapen/Flagg Koort
hett keen Wapen
Junkernhoos
Laag vun Junkernhoos in Düütschland
Basisdaten
Bundsland: Neddersassen
Landkreis: Cuxhoben
Gemeen: Lox
Inwahners:
Postleettall: 27612
Vörwahl: 04703
Geograafsche Laag:
Koordinaten:53° 31′ N, 8° 41′ O
53° 31′ N, 8° 41′ O

Junkernhoos (hoochdüütsch Junkernhose) is en Hoff in de Gemeen Lox in’n Landkreis Cuxhoben, Neddersassen. He liggt bi Hosermöhlen.

GeografieÄnnern

De Oort liggt op en lütten Geestrügg an de Rohr.

De Naveröörd sünd Sellst in’n Noordoosten, Hosermöhlen un Böcken in’n Oosten, Donnern in’n Süüdoosten, Bexhöv in’n Süden, Nückel un Hogewort in’n Süüdwesten un Suurheid, Schippdörp un Apeler in’n Noordwesten.

HistorieÄnnern

De Hoff Junkernhoos un de Hoser Möhl sünd twee Delen von en olen Oort Hoos.

De Watermöhl an de Rohr in Hosermöhlen kummt toeerst 1202 in de Oorkunnen vör.

Junkernhoos weer as Good separat von de Hoser Möhl. Dat Good is 1820 oplööst un verköfft worrn. Later hett dat de Familie Heusmann tohöört, de ok vondaag noch op’n Hoff sitt un en Bueree mit 350 Stück Veh un en Biogasanlaag bedrifft.

VerwaltungsgeschichtÄnnern

In de Franzosentied von 1810 bet 1814 hett de Oort to de Mairie Bexhöv in’n Kanton Bremerleh höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1851 to de Huusvaagdie Bexhöv in dat Gericht Beverst tohöört un denn von 1851 bet 1859 to dat Amt Beverst. 1859 is dat Amt Beverst oplööst worrn un de Oort keem an dat Amt Leh. Na 1885 weer dat in’n Kreis Geestmünn, is 1932 Deel von’n Kreis Wersermünn worrn un 1977 von’n Landkreis Cuxhoben.

De Hoff höört polietsch siet dat 19. Johrhunnert bi Bexhöv mit bi. De Oort is an’n 1. März 1974 as Deel von de Gemeen Bexhöv mit de Gemeenreform in Neddersassen an de Gemeen Lox kamen.

InwahnertallÄnnern

Johr Inwahners
1793-00-001793[1] 4 Füürsteden
1812-00-001812[2] 8
1824-00-001824[3] 4 Füürsteden
1848-00-001848[4] 10 Lüüd. 1 Huus
1871-12-011. Dezember 1871[5] 6 Lüüd. 1 Huus

ReligionÄnnern

Junkernhoos is evangeelsch-luthersch präägt un höört to dat Kaspel von de Johannes-de-Döper-Kark in Bexhöv. Dat Good Junkernhoos hett al von öllers to de Kark in Bexhöv höört, aver de Hüüs, de nich to dat Good höört hebbt, hebbt to de Marien-Kark in Lox hollen.

För de Kathoolschen is de St.-Johannes-de-Döper-Kark in Lox tostännig, de siet 1. November 2006 to de Karkengemeen Hillig Hart Jesu in Geestmünn höört. De Kark in Lox is 1966 wieht worrn. Vörher weer von 1911 bet 1959 de Hillig-Hart-Jesu-Kark in Geestmünn un von 1959 bet 1966 de St.-Nikolaus-Kark in Wulsdörp för dat Rebeed tostännig.

Weertschop un InfrastrukturÄnnern

In’n Süüdwesten von’n Oort liggt en Windpark mit söven Windrääd.

VerkehrÄnnern

De eenzige Straat na’n Hoff Junkernhoos kummt von Hosermöhlen. De Hosermöhlener Straat löppt in’n Noorden an de Kreisstraat 58 ran un in’n Süden na Bexhöv an de Landsstraat 143. De L 143 warrt in Bexhöv krüüzt von de Bundsstraat 71 un geiht von Bexhöv in’n Süüdwesten na Lox un Ness. De B 71 löppt in’n Noordwesten na Wulsdörp un an de B 6 un in’n Süüdoosten na Beverst. De K 58 geiht in’n Noordwesten över Schippdörp na Bremerhoben un in’n Oosten na Sellst. Dor is de K 58 wedder anslaten an de L 143, de in’n Oosten wiedergeiht na Wehdel un Geestenseth.

De nächste Autobahn is de Autobahn 27 (Afsnidd BremenCuxhoben). De Opfohrt 9 Wulsdörp liggt so söss Kilometer in’n Süüdwesten von Junkernhoos an de B 71.

De nächste Bahnhoff is so bi dree Kilometer wied weg in’n Noordoosten de Bahnhoff Sellst an de Bahnlien Buxthu–Bremerhoben. De Bahnhoff Lox an de Bahnlien Bremen–Bremerhoben liggt söss Kilometer in’n Süüdwesten.

FootnotenÄnnern

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 116
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 302
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 151