Donnern
Donnern is en Oort in de Gemeen Lox in’n Landkreis Cuxhoben, Neddersassen. Bi Donnern bi höört ok de Hoff Böcken.
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 14,392 km² | |
| Inwahners: | 639 (31. August 2010) | |
| Inwahnerdicht: | 44,4 Inwahners pro km² | |
| Postleettall: | 27612 | |
| Vörwahl: | 04703 | |
| Geograafsche Laag: | Koordinaten:53° 30′ N, 8° 43′ O53° 30′ N, 8° 43′ O | |
 Laag von Donnern in de Gemeen Lox (Koort lett sik anklicken) | ||
|
| ||
GeografieÄnnern
Donnern liggt op de Geest. Dat Dörp is so bi 500 m von de Rohr af, de in’n Noorden langsflütt. In’n Süüdoosten in’t Moor liggt de Bülter See.
De Naveröörd sünd Sellst in’n Noorden, Wehdel in’n Noordoosten, Heerst un Loh in’n Süüdoosten, Stinst in’n Süden, Bexhöv in’n Süüdwesten un Hosermöhlen in’n Noordwesten.
HistorieÄnnern
In de Franzosentied weer de Oort in de Kommuun Bexhöv un hett von 1851 bet 1859 to dat Amt Beverst un na 1859 to dat Amt Leh höört. 1885 is dat Deel von’n Kreis Geestmünn worrn un 1932 von’n Landkreis Wersermünn, de 1977 in’n Landkreis Cuxhoben opgahn is. Von 1971 bet 1974 weer Donnern Deel von de Samtgemeen Lox, is aver denn 1974 Deel von de ne’e Eenheitsgemeen Lox worrn.
In’n Eersten Weltkrieg sünd 25 Soldaten ut Donnern fullen oder vermisst, un in’n Tweten 41[1].
InwahnertallÄnnern
| Johr | Inwahners |
|---|---|
| 1824[2] | 41 Füürsteden |
| 1848[3] | 206 Lüüd, 40 Hüüs |
| 1. Dezember 1910[4] | 466 |
| 1925[5] | 430 |
| 1933[5] | 441 |
| 1939[5] | 463 |
| 31. August 2010 | 639 |
ReligionÄnnern
Donnern is evangeelsch-luthersch präägt un höört to dat Kaspel Bexhöv. Bet 1887 harr de Oort to dat Kaspel Beverst höört.
WapenÄnnern
Dat Wapen wiest baven op blauen Grund söven gollen Klocken un ünnen dör Wellensnidd deelt op sülvern Grund en grönen Draken mit rode Klauen un Tung. De Draak steiht för den Drakensteen, de an’n Weg na Wehdel hen steiht.
OortsbörgermeestersÄnnern
- 2001-: Hansjürgen Schmedes
KulturÄnnern
In Donnern gifft dat en Denkmaal för de Fullenen ut de twee Weltkrieg’.
VerenenÄnnern
De Schützenvereen is 1912 grünnt worrn un de Freewillige Füürwehr 1902.
InfrastrukturÄnnern
VerkehrÄnnern
Donnern liggt an de Landsstraat 143, de in’n Noorden na Sellst löppt un in’n Süüdwesten na Bexhöv an de Bundsstraat 71 ran. Lüttjere Straten gaht ans na Stinst, Heerst, Wehdel, Hosermöhlen un Nückel.
De nächsten Bahnhööv sünd twee Kilometer weg de Bahnhoff Sellst an de Bahnlien Bremerhoben–Buxthu un fiev Kilometer weg de Bahnhoff Lox an de Bahnlien Bremen–Cuxhoben.
ScholenÄnnern
Donnern hett en egen Kinnergoorn.
FootnotenÄnnern
- ↑ http://www.denkmalprojekt.org/2009/loxstedt-donnern_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 140: http://books.google.de/books?id=tG0AAAAAcAAJ&pg=PA140
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 149: http://books.google.de/books?id=eOI-AAAAcAAJ&pg=PA149
- ↑ http://www.gemeindeverzeichnis.de/gem1900/gem1900.htm?hannover/geestemuende.htm
- ↑ a b c http://www.verwaltungsgeschichte.de/wesermuende.html
