Mairie Övermeschacht
De Mairie Övermeschacht weer in de Franzosentied (1810 bet 1813) een von de fiev Mairien, in de de Kanton Bewick indeelt weer. De Seet weer in Övermeschacht. Se harr 2806 Inwahners.[1]
Historie
ännernDe Ümgegend von Övermeschacht hett vör de Franzosentied to’n Deel to de Elvmaschvaagdie von dat Amt Loonborg in dat Hartogdom Sassen-Loonborg höört. To’n annern Deel to de Amtsvaagdie Masch von dat Amt Winsen un dat Gericht Övermeschacht in dat Förstendom Lümborg, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Övermeschacht een von de twölv Mairien in’n Kanton Addelborg von’n Distrikt Lümborg, Departement von de Nedderelv.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Övermeschacht weer nu een von de fiev Mairien in’n Kanton Bewick, Distrikt Lümborg, Departement von de Nedderelv. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de acht Mairien Övermeschacht, Rönn, Swinn, Elvstörp, Draag, Tesp, O’rshusen un Hunnen (all acht in’n Kanton Addelborg) höört harrn. Von de Mairie Tesp is aver blots Tesp sülvs an de Mairie Övermeschacht gahn. Abendörp is in de Mairie Addelborg wesselt.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom Hannover dat Königriek Hannover worrn. De Rebeden, de vörher to dat Hartogdom Sassen-Loonborg höört harrn, sünd mit’n Wiener Kungress as Amt Addelborg an dat Königriek Hannover fullen.
Öörd
ännernDor hebbt düsse Öörd tohöört:
- Königriek Westfalen:[2]
- Kaiserriek Frankriek:[1]
- Övermeschacht (455 Inwahners), Neddermeschacht (156), Rönn, Krüms (360), Swinn (184), Stoov, Eekholt (191), Elvstörp (224), Drennhusen (149), Draag, Tesp (311), Mower, O’rshusen (482), Hunnen, Farnholt (294)
Vondaag sünd düsse Öörd Deel von de Samtgemeen Elvmasch.
Footnoten
ännern- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 56
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 37