Klethen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21702 | |
| Vörwahl: | 04166 | |
| Geograafsche Laag: | Koordinaten:53° 24′ N, 9° 26′ O53° 24′ N, 9° 26′ O | |
|
| ||
Klethen (hoochdüütsch Klethen) is en Dörp in de Gemeen Ohlers in den Landkreis Stood, Neddersassen.
Geografie ännern
De Au hett bi Klethen ehren Born.
De Naveröörd sünd Bookholt in’n Noorden, Ohlers in Noordoosten, Ohrensmoor in Oosten, Ohrenswohl in’n Süüdoosten, Bokel in’n Süden, Ottendörp in’n Westen un Örsdörp in’n Noordwesten.
Historie ännern
De Oort kummt 1157 toeerst in de Oorkunnen vör.
In de Johren 1920 hett Willi Wegewitz en ole Siedlung von de Sassen bi Klethen utgraavt.
Vör 1885 weer dat Dörp in de Böörd Ohlers binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.
Bit to'n 1. Juli 1972 weer de Oort Deel vun de Gemeen Ottendörp-Klethen, de mit de Gemeen Ohlers tohoop leggt worrn is.
Inwahnertall ännern
| Johr | Inwahners |
|---|---|
| 1824[1] | 6 Füürsteden |
| 1848[2] | 93 Lüüd, 14 Hüüs |
Religion ännern
Klethen is evangeelsch-luthersch präägt un höört to dat Kaspel Ohlers.
För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.
Weertschop un Infrastruktur ännern
Verkehr ännern
Klethen liggt an de Kreisstraat 55, de in’n Westen na Ottendörp löppt un in’n Oosten an de Landsstraat 124 ran, de denn in’n Süden na Bokel un Wangersen wiedergeiht un in’n Noorden över Ohlers un Hollenbeek na Harsfeld.
De nächste Bahnhoff is de Bahnhoff Harsfeld an de Bahnlien Bremerhoben-Buxthu.
Lüüd ännern
De plattdüütsche Schrieversfro Birgit Lemmermann is 1962 in Klethen boren.
Literatur ännern
- Willi Wegewitz: Die Ausgrabung eines sächsischen Hauses in Klethen. 1926
- Willi Wegewitz: Eine Wohngrube mit Herdanlage in der Feldmark Klethen (Kreis Stade). Zur Siedlungsgeschichte der Feldmark Ahlerstedt (Kreis Stade). 1929
Footnoten ännern
- ↑ C. H. Jansen: Statistisches Handbuch des Königreichs Hannover. 1824, Sied 334: http://books.google.de/books?id=tG0AAAAAcAAJ&pg=PA334
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
Weblenken ännern
Bokel | Bookholt | Doosthoff | Hogenhusen | Kokerbeek | Klethen | Kohlenhusen | Lütt Wangersen | Ohlers | Ohrensmoor | Ohrenswohl | Örsdörp | Ottendörp | Wangersen