Hauptmenü öffnen

GeografieÄnnern

Dicht bi Kohlenhusen flütt de Au langs un een Kilometer in’n Westen de Twiest.

De Naveröörd sünd Wohlers un Örsdörp in’n Noorden, Ottendörp un Klethen in’n Oosten, Wangersen in’n Süüdoosten, Wens un Viehbrook in’n Süüdwesten, Grafel in’n Westen un Winnerswohl in’n Noordwesten.

HistorieÄnnern

In de Franzosentied von 1810 bet 1814 hett de Oort to de Mairie Ohlers in’n Kanton Hornborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to dat Amt Harsfeld tohöört. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.

Mit de Gemeenreform in Neddersassen an’n 1. Juli 1972 is Kohlenhusen as Deel von de ole Gemeen Örsdörp Deel von de ne’e Gemeen Ohlers worrn.

InwahnertallÄnnern

Johr Inwahners
1824-00-001824[1] 3 Füürsteden
1871-12-011. Dezember 1871[2] 34 Lüüd. 5 Hüüs

ReligionÄnnern

Kohlenhusen is evangeelsch-luthersch präägt un höört to dat Kaspel von de Primus-Kark in Bargst.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.

De Doden ut Kohlenhusen warrt op’n Karkhoff Örsdörp mit begraven.

Weertschop un InfrastrukturÄnnern

In’n Westen von’n Oort liggt en Windpark mit 22 Windrääd.

As Füürwehr is de freewillige Füürwehr Örsdörp för Kohlenhusen mit tostännig.

VerkehrÄnnern

Dör Kohlenhusen löppt de Kreisstraat 76, de in’n Süüdwesten na Viehbrook geiht un von dor wieder as K 120 över Wens na Heeßel. In’n Noordwesten geiht de K 55 över Örsdörp na Hollenbeek un in’n Oosten de K 55 na Ottendörp un Klethen.

De nächste Autobahn is de Autobahn 1 (Afsnidd HamborgBremen). De Opfohrt 47 Zittens liggt so 17 Kilometer in’n Süüdoosten von Kohlenhusen.

De nächsten Bahnhööv sünd so bi negen Kilometer wied weg in’n Noordoosten in Bargst un Harsfeld an de Bahnlien Buxthu–Bremerhoben.

FootnotenÄnnern

  1. C. H. Jansen: Statistisches Handbuch des Königreichs Hannover. 1824, Sied 340: http://books.google.de/books?id=tG0AAAAAcAAJ&pg=PA340
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141: https://books.google.de/books?id=qTZDAQAAMAAJ&pg=RA2-PA141

WeblenkenÄnnern