Bokel (Ohlers)

Wapen/Flagg

Koort

Basisdaten

Bundsland: Neddersassen

21702

04166

Koordinaten:53° 23′ N, 9° 26′ O53° 23′ N, 9° 26′ O

Bokel is en Dörp in de Gemeen Ohlers in’n Landkreis Stood, Neddersassen.

Geografie

Bokel liggt op de Stoder Geest.

De Naveröörd sünd Ohlers in’n Noorden, Ohrenswohl in’n Oosten, Lütt Wangersen in’n Süüdoosten, Wangersen in’n Süüdwesten un Ottendörp in’n Noordwesten.

Historie

De Oort is wohrschienlich in de Tied von dat 15. bet 17. Johrhunnert as ne’e Kolonie mank de olen Dörper grünnt worrn.

Vör 1885 weer dat Dörp in de Böörd Ohlers binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

Von 1967 bet to’n 1. Juli 1972 weer de Oort Liddmaat von de Samtgemeen Ohlers. Mit de Gemeenreform in Neddersassen an’n 1. Juli 1972 is de fröher sülvstännige Gemeen Bokel mit de Gemeen Ohlers tohoopleggt worrn.

Möhl in Bokel

Inwahnertall

Johr	Inwahners
1824-00-001824^[1]	2 Füürsteden
1848-00-001848^[2]	41 Lüüd, 6 Hüüs
1910-12-011. Dezember 1910^[3]	92
1925-00-001925^[4]	131
1933-00-001933^[4]	128
1939-00-001939^[4]	125

Religion

Bokel is evangeelsch-luthersch präägt un höört to dat Kaspel Ohlers.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.

Weertschop un Infrastruktur

Verkehr

Bokel liggt an de Landsstraat 124, de in’n Süüdwesten na Wangersen, Heeßel un Zeven föhrt. In’n Noordoosten löppt de L 124 na Ohlers un Harsfeld. Na Oosten geiht de L 127, de na Ohrenswohl un Obbens löppt. En lüttjere Straat geiht ans noch na Ottendörp.