Ottendörp (Ohlers)

Wapen/Flagg

Koort

Basisdaten

Bundsland: Neddersassen

21702

04166

Koordinaten:53° 24′ N, 9° 26′ O53° 24′ N, 9° 26′ O

Ottendörp (hoochdüütsch Ottendorf) is en Dörp mit üm un bi 575 Inwahners in de Gemeen Ohlers in’n Landkreis Stood, Neddersassen.

Geografie

Ottendörp liggt op de Stoder Geest.

De Naveröörd sünd Ohlers, Bookholt un Klethen in’n Noordoosten, Bokel in’n Süüdoosten, Wangersen in’n Süden, Wens un Viehbrook in’n Süüdwesten, Kohlenhusen in’n Westen un Winnerswohl un Örsdörp in’n Noordwesten.

Napoleonsteen

Historie

Vör 1885 weer dat Dörp in de Böörd Ohlers binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

Von 1967 bet to’n 1. Juli 1972 weer de Oort Liddmaat vun de Gemeen Ottendörp-Klethen binnen de Samtgemeen Ohlers. Mit de Gemeenreform in Neddersassen an’n 1. Juli 1972 is de fröher sülvstännige Gemeen Ottendörp mit de Gemeen Ohlers tohoopleggt worrn.

Inwahnertall

Johr	Inwahners
1824-00-001824^[1]	11 Füürsteden
1848-00-001848^[2]	151 Lüüd, 27 Hüüs
1910-12-011. Dezember 1910^[3]	342
1925-00-001925^[4]	379
1933-00-001933^[4]	411
1939-00-001939^[4]	434

Religion

Ottendörp is evangeelsch-luthersch präägt un höört to dat Kaspel Ohlers.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.

De Karkhoff Ottendörp liggt en beten buten den Oort an de Straat Hunnbarg. De Kapell op’n Karkhoff is 1968 inwieht worrn.

Weertschop un Infrastruktur

Verkehr

Dör Ottendörp löppt de Kreisstraat 55, de in’n Oosten na Klethen un an de Landsstraat 124 föhrt un un’n Noorden över Kohlenhusen un Örsdörp na Kokerbeek. Lüttjere Straten loopt na Viehbrook, Wens un Bokel. De L 124 geiht in’n Süüdwesten över Wangersen na Heeßel un Zeven un in’n Noorden över Ohlers na Harsfeld un Stood.

De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so 15 Kilometer in’n Süüdoosten von Ottendörp an de L 130.

De nächste Bahnhoff is so bi negen Kilometer wied weg in’n Noorden de Bahnhoff Bargst an de Bahnlien Bremerhoben–Buxthu.

Ver- un Entsorgung

Dat Afwater ut Ottendörp warrt över dat Kanaalnett na dat Klärwark Bookholt afföhrt un dor reinigt.

Kultur

Sport

Sportplatz

De Ottendörpers speelt bi’n SV Ohlers/Ottendörp in Ohlers mit. De Footballmannschop von de Froonslüüd speelt in de Regionalliga Noord.

Footnoten

↑ C. H. Jansen: Statistisches Handbuch des Königreichs Hannover. 1824, Sied 476: http://books.google.de/books?id=tG0AAAAAcAAJ&pg=PA476
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
↑ http://www.gemeindeverzeichnis.de/gem1900/gem1900.htm?hannover/stade.htm
↑ ^a ^b ^c http://www.verwaltungsgeschichte.de/stade.html

Weblenken

Ottendörp (Ohlers). Mehr Biller, Videos oder Audiodateien to’t Thema gifft dat bi Wikimedia Commons.

Öörd in de Gemeen Ohlers

[InwahnertallRef1-1] C. H. Jansen: Statistisches Handbuch des Königreichs Hannover. 1824, Sied 476: http://books.google.de/books?id=tG0AAAAAcAAJ&pg=PA476

[InwahnertallRef2-2] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134

[InwahnertallRef3-3] ttp://www.gemeindeverzeichnis.de/gem1900/gem1900.htm?hannover/stade.htm

[verwg.de-4] ttp://www.verwaltungsgeschichte.de/stade.html

[1]

[2]

[3]

[4]