Freyersen
Dit Woort hett noch annere Bedüden: kiek dorför ünner Fraas (Landkreis Heidkreis).
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04287 | |
| Geograafsche Laag: | Koordinaten:53° 18′ N, 9° 24′ O53° 18′ N, 9° 24′ O | |
|
| ||
Freyersen (hoochdüütsch Freyersen) is en Dörp in de Gemeen Heeßel (Samtgemeen Zeven) in’n Landkreis Rodenborg, Neddersassen.
Geografie
ännernFreyersen liggt dicht bi de Oost, de in’n Noorden langsflütt.
De Naveröörd sünd Oosterbötzen un Steddörp in’n Noorden, Hanraad un Lütt Meckels in’n Noordoosten, Groot Meckels un Volkens in’n Süüdoosten, Rüspel in’n Süden, Frankenbossel in’n Süüdwesten, Wiersdörp in’n Westen un Weertzen in’n Noordwesten.
Historie
ännernVerwaltungsgeschicht
ännernIn de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Elsdörp in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.
1929 is Freyersen Deel von de Gemeen Weertzen worrn. Disse Gemeen Weertzen is mit de Gemeenreform in Neddersassen an’n 1. März 1974 an de Gemeen Heeßel kamen, de to de Samtgemeen Zeven höört.
Inwahnertall
ännern| Johr | Inwahners |
|---|---|
| 1793[1] | 9 Füürsteden |
| 1824[2] | 7 Füürsteden |
| 1848[3] | 61 Lüüd, 11 Hüüs |
| 1. Dezember 1871[4] | 70 Lüüd, 12 Hüüs |
| 1. Dezember 1910[5] | 67 |
Religion
ännernFreyersen is evangeelsch-luthersch präägt un höört to dat Kaspel von de Allerhilligen-Kark in Elsdörp.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur
ännernVerkehr
ännernDör Freyersen löppt de Kreisstraat 130, de in’n Süden dör Rüspel un an de K 126 ran geiht un in’n Noordwesten na Weertzen an de Landsstraat 142. De L 142 geiht in’n Westen över Wiersdörp na Zeven an de Bundsstraat 71 ran un Süüdosten över Groot Meckels na Zittens un Töst. Lüttjere Straten gifft dat na Frankenbossel un Volkens.
De nächste Autobahn is de Autobahn 1. De Opfohrt 48 Elsdörp liggt so acht Kilometer in’n Süüdwesten von Freyersen.
De nächsten Bahnhööv sünd so bi 22 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen un bi 22 Kilometer wied weg in’n Noordoosten de Bahnhoff Harsfeld an de Bahnlien Bremerhoben–Buxthu. De Bahnlien Wilst–Töst löppt direkt an Freyersen langs un harr in Weertzen en Bahnhoff. Personenverkehr hett dat dor von 1917 bet 1971 geven.
Footnoten
ännern- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 77: https://books.google.de/books?id=jN5QAAAAcAAJ&pg=RA1-PA77
- ↑ C. H. Jansen: Statistisches Handbuch des Königreichs Hannover. 1824, Sied 194: http://books.google.de/books?id=tG0AAAAAcAAJ&pg=PA194
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170
- ↑ http://www.gemeindeverzeichnis.de/gem1900/gem1900.htm?hannover/zeven.htm