Kroamschudd’n in Mariaparochie

Kroamschudd'n in Mariaparochie is en 15 Minuten langen Tekentrickfilm ut dat Johr 1988. Text- un Lederschriever Herman Finkers hett toeerst in’n Opdrag van RTV Oost en Höörspeel maakt, dat denn ok in Finkers siene Diana Ros Show lopen is. 1988 hett he dor denn tohoop mit John Croezen en lütten Tekenfilm van maakt.

De Tekenfilm is een Maal van de VARA utstrahlt worrn, un löppt sieddem elk Johr to Karstmiss op RTV Oost. 2004 is de Film denn tohoop mit Finkers sien annern Tekenfilm, Macbeth op DVD rutkamen.

In’n Film warrt en ’n beten annere Version van de Wiehnachstgeschicht vertellt. Dat Kind Jesus warrt nich in Bethlehem boren, man in dat twentsche Mariaparochie as Söhn van’n Timmermann Spieker-Jozef un sien Fro Marie. Dat twentsche Woord kroamschudd'n betekent op Wekenvisit gahn, steit also för den Besöök van de Harders un de dree Wiesen bi dat jüst borene Kind. Dat gifft allerhand Referenzen op de regionale Kultur, to’n Bispeel dat Backen van Krintenweggen oder de Witte Wieven, de an de Steed van de Engels staht. De Film bruukt dree Spraken. De Verteller snackt nedderlandsch, Jozef, Marie un de Harders snackt Twentsch un de dree Wiesen ut’n Oosten warrt dorstellt as dree Düütsche (Kaspar is dorstellt as Roberto Blanco, Balthasar as Heino un de drüdde, Gerards, as Franz Josef Strauß), de ok Düütsch snackt.

Weblenken

• Kroamschudd’n in Mariaparochie in de Internet Movie Database (engelsch)
• Film op YouTube