Levern
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29643 | |
| Vörwahl: | 05195 | |
| Geograafsche Laag: | Koordinaten:53° 2′ N, 9° 46′ O53° 2′ N, 9° 46′ O | |
|
| ||
Levern (hoochdüütsch Leverdingen) is en lütt Dörp in de Gemeen Neenkerken in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Jilbern.
Geografie ännern
De Oort liggt in de Lümbörger Heid. Dat Water ut dat Rebeed flütt över’n Hahnenbeek na de Wiedau hen af.
De Naveröörd sünd Vahlzen in’n Noorden, Reimen in’n Noordoosten, Woltern in’n Oosten, Ellgen un Wiegen in’n Süüdoosten, Falshoorn in’n Süden, Wolten in’n Süüdwesten un Neenkerken, Limbeek un Jilbern in’n Noordwesten.
Historie ännern
Verwaltungsgeschicht ännern
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Neenkerken in’n Kanton Visselhöövd höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.
De Oort hett vör 1852 to de Amtsvaagdie Neenkerken in dat Amt Rodenborg tohöört, denn von 1852 bet 1859 to dat Amt Snevern un von 1859 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de 2011 den Naam Landkreis Heidkreis kregen hett.
De Oort höört von öllers bi de Buurschop un later de Gemeen Jilbern. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Neenkerken worrn. Sietdem höört Levern to de Oortschop Jilbern, de en egen Oortsvörsteiher hett.
Inwahnertall ännern
| Johr | Inwahners |
|---|---|
| 1791[1] | 5 Füürsteden |
| 1812[2] | 55 |
| 1824[3] | 9 Füürsteden |
| 1848[4] | 74 Lüüd, 12 Hüüs |
| 1. Dezember 1871[5] | 72 Lüüd, 7 Hüüs |
| 1. Dezember 1885[6] | 68 Lüüd, 13 Hüüs |
| 1. Dezember 1905[7] | 65 Lüüd, 12 Hüüs |
Religion ännern
Levern is evangeelsch-luthersch präägt un höört to dat Kaspel von de Bartholomäus-Kark in Neenkerken.
För de Kathoolschen is de St.-Maria-von’n-hilligen-Rosenkranz-Kark in Soltau tostännig.
Kultur ännern
En Denkmaal för de Fullenen ut de twee Weltkrieg’ steiht in Jilbern an de Hauptstraat.[8]
Verenen ännern
De Schüttenvereen Jilbern-Levern is 1907 grünnt worrn.
Weertschop un Infrastruktur ännern
För Levern is de freewillige Füürwehr Jilbern-Levern tostännig.
Verkehr ännern
Dör Levern löppt de Bundsstraat 71, de in’n Noordwesten över Neenkerken na Rodenborg geiht un in’n Oosten na Soltau un Ülzen.
De nächste Autobahn is de Autobahn 7 (Afsnidd Hamborg–Hannover). De Opfohrt 45 Soltau-Süüd liggt so twölv Kilometer in’n Süüdoosten von Levern an de B 3.
De nächste Bahnhoff is so bi söven Kilometer wied weg in’n Süüdoosten de Bahnhoff Soltau, de an de Heidbahn un an de Amerikalien liggt. Twüschen 1920 un 1961 hett dat ok Personenverkehr op de Bahnlien Soltau–Neenkerken geven. De nächsten Bahnhööv in Ellgen un Jilbern weren in düsse Tied so bi twee Kilometer wied weg.
Scholen ännern
De Kinner ut Levern gaht na de Grundschool Neenkerken.
Footnoten ännern
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 141
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 372
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 101
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 153
- ↑ Onlineprojekt Gefallenendenkmäler
