Möhlenwisch

Oort in’n Landkreis Stood, Neddersassen
Wapen/Flagg Koort
hett keen Wapen
Möhlenwisch
Laag vun Möhlenwisch in Düütschland
Basisdaten
Bundsland: Neddersassen
Landkreis: Stood
Samtgemeen: Noordkeden
Gemeen: Balje
Inwahners:
Hööchd: 1 m över NHN
Postleettall: 21730
Vörwahl: 04752
Geograafsche Laag:
Koordinaten:53° 48′ N, 9° 6′ O
53° 48′ N, 9° 6′ O

Karte

Möhlenwisch (hoochdüütsch Mühlenwisch) is en Hoff in de Gemeen Balje (Samtgemeen Noordkeden) in’n Landkreis Stood, Neddersassen.

De Hoff höört polietsch un von de Kark her na Balje, is aver geograafsch un verkehrstechnisch dichter bi Geversdörp.

Geografie ännern

De Hoff liggt in de Masch von de Oost direkt achter’n Diek. Direkt bi’n Hoff münnt dat Möhlenwischer Fleet in de Oost.

De Naveröörd sünd Hörn un Kukenbüttel in’n Noorden, Wisch (to Balje) in’n Noordoosten, Wisch (to Geversdörp) un Neenslüüs in’n Süüdoosten, Snook, Marn un Neenseebagen in’n Süden, Geversdörp in’n Süüdwesten un Itzwöörden in’n Westen.

Historie ännern

Verwaltungsgeschicht ännern

De Oort hett vör 1852 to dat Kaspel Balje von dat Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden. 1932 is dat Deel von’n Kreis Stood worrn.

De Hoff hett fröher to de Buurschop un Gemeen Fulenhoff mit tohöört, de later Deel von de Gemeen Balje worrn is.

Inwahnertall ännern

Johr Inwahners
1871-12-011. Dezember 1871[1] 8 Lüüd, 1 Huus
1885-12-011. Dezember 1885[2] 15 Lüüd, 2 Hüüs
1905-12-011. Dezember 1905[3] 11 Lüüd, 1 Hüüs

Religion ännern

Möhlenwisch is evangeelsch-luthersch präägt un höört to dat Kaspel von de Marienkark in Balje.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur ännern

För Möhlenwisch is de freewillige Füürwehr Balje mit tostännig.

Verkehr ännern

De Straat langs den Diek von de Oost, an de Möhlenwisch liggt, löppt in’n Westen na Itzwöörden an de Landsstraat 111 un in’n Oosten na Neenslüüs an de Kreisstraat 26/K 6. De K 6 föhrt bi Süderdiek ok an de L 111. De L 111 löppt von Itzwöörden in’n Süüdwesten na Geversdörp un in Dingwöörden bi Neehuus an de Bundsstraat 73 un in’n Oosten över Hörn, Süderdiek un Balje na Krummendiek un Freeborg.

De nächste Autobahn is de Autobahn 27 (Afsnidd CuxhobenBremerhoben). De Opfohrt 1 Cuxhoben liggt so 30 Kilometer in’n Westen von Möhlenwisch an de B 73.

De nächste Bahnhoff is so bi söven Kilometer wied weg in’n Süüdwesten de Bahnhoff Kumbarg an de Nedderelvbahn von Cuxhoben na Hamborg. Von 1899 bet 1932 hett dat ok op de Kedener Kreisbahn Personenverkehr geven. De Bahnhoff Itzwöörden leeg in düsse Tied good een Kilometer in’n Westen.

Footnoten ännern

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136
  2. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 154
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 93