Mairie Balje

Mairie in de Franzosentied to Anfang dat 19. Johrhunnert

De Mairie Balje weer in de Franzosentied (1810 bet 1813) een von de fiev Mairien, in de de Kanton Freeborg indeelt weer. De Seet weer in Balje. Se harr 2028 Inwahners.[1]

Historie ännern

De Ümgegend von Balje hett vör de Franzosentied to dat Grevengericht Freeborg in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Balje een von de söss Mairien in’n Kanton Freeborg von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Balje weer nu een von de fiev Mairien in’n Kanton Freeborg, Distrikt Stood, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de veer Mairien Balje, Fulenhöben, Eggerkamp un Westerwechtern (all veer in’n Kanton Freeborg) höört harrn. Von de Mairie Eggerkamp is blots de Oort Riddershusen in de Mairie Balje wesselt. De Oort Eggerkamp is an de Mairie Freeborg gahn.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd ännern

Dor hebbt düsse Öörd tohöört:

Vondaag sünd düsse Öörd Deel von de Samtgemeen Noordkeden.

Footnoten ännern

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 64
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 7