Mairie Geversdörp

Mairie in de Franzosentied to Anfang dat 19. Johrhunnert

De Mairie Geversdörp weer in de Franzosentied (1810 bet 1813) een von de fiev Mairien, in de de Kanton Neehuus indeelt weer. De Seet weer in Geversdörp. Se harr 2519 Inwahners.[1]

Historie ännern

De Ümgegend von Geversdörp hett vör de Franzosentied to dat Amt Neehuus in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Geversdörp een von de söven Mairien in’n Kanton Neehuus von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Geversdörp weer nu een von de fiev Mairien in’n Kanton Neehuus, Distrikt Stood, Departement von de Elvmünnen. De Mairie weer nu grötter, dor sünd Öörd in tohoopfaat worrn, de vörher in Westfalen to de twee Mairien Geversdörp un Kumbarg (all beid in’n Kanton Neehuus) höört harrn.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd ännern

Dor hebbt düsse Öörd tohöört:

Vondaag sünd düsse Öörd Deel von de Samtgemeen Land Hadeln.

Footnoten ännern

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 66
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 6