Mairie Jesborg
De Mairie Jesborg weer in de Franzosentied (1810 bet 1813) een von de dree Mairien, in de de Kanton Hittfeld indeelt weer. De Seet weer in Jesborg. Se harr 1134 Inwahners.[1]
Historie ännern
De Ümgegend von Jesborg hett vör de Franzosentied to de Vaagdien Hittfeld un Töst von dat Amt Horborg in dat Förstendom Lümborg höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Jesborg een von de twölv Mairien in’n Kanton Töst von’n Distrikt Horborg, Departement von de Nedderelv.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Jesborg weer nu een von de dree Mairien in’n Kanton Hittfeld, Distrikt Lümborg, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de veer Mairien Jesborg, Itzenbüttel, Dibbersen un Wörm (all veer in’n Kanton Töst) höört harrn. Von de Mairie Dibbersen sünd de beiden Öörd Dibbersen un Dangersen an de Mairie Hittfeld gahn. De Rest keem an de Mairie Jesborg. Von de Mairie Wörm kemen de Öörd Wörm un Handörp an de Mairie Jesborg un de Rest an de Mairie Töst.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd ännern
Dor hebbt düsse Öörd tohöört:
- Kaiserriek Frankriek:[1]
Vondaag sünd düsse Öörd Deel von de Samtgemenen Jesborg un Töst un de Stadt Bookholt.
Footnoten ännern
- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 43