Mairie Ritzbüttel

De Mairie Ritzbüttel weer in de Franzosentied (1811 bet 1813) een von de veer Mairien, in de de Kanton Ritzbüttel indeelt weer. De Seet weer in Ritzbüttel. Se harr 3894 Inwahners.

Historie

De Ümgegend von Ritzbüttel hett vör de Franzosentied to dat Amt Ritzbüttel höört, wat to de Stadt Hamborg tohören dee. Dat Rebeed ümto leeg aver in dat Kurförstendom Hannover. Dat Kurförstendom weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat hannöversche Rebeed Deel von dat Königriek Westfalen worrn, wat en Satellitenstaat von Frankriek weer. Dat Amt Ritzbüttel is toeerst noch bestahn bleven, aver to’n 1. Januar 1811 harr dat en Enn. Dat Ümland von Ritzbüttel hett dat Königriek Westfalen an dat Franzöösche Kaiserriek afgeven un ok Hamborg un dat Amt Ritzbüttel sünd an Frankriek fullen. De Mairie Ritzbüttel weer nu een von de veer Mairien in’n Kanton Ritzbüttel, Distrikt Stood, Departement von de Elvmünnen.

1813/1814 hebbt de Russen de Franzosen slahn un dat Rebeed befreet. De Staat Hamborg is denn wedder herstellt worrn un de ole Stand von vör 1810 wedder dor.

Öörd

Dor hebbt düsse Öörd tohöört:

• Kaiserriek Frankriek:

  Ritzbüttel (1451 Inwahners), Cuxhoben (386), Groden (645), Döös (580), Duhnen (198), Stickenbüttel (147), Sahlenborg (92), Westerwisch (70), Holt (49), Berensch, Arensch (121), Ox (110), Süderwisch (56)

Vondaag sünd düsse Öörd Deel von de Stadt Cuxhoben.