Manatee River (Belize)

Manatee River
Laag Belize
Stroomsystem Manatee River
Läng 50 km
Afströömrebeed 740 km²
Born in de Maya-Bargen
Münn in de Karibische See (op 0 m över de See)
linke Blangenströöm Cornhouse Creek
rechte Blangenströöm Bayman Creek, Big Creek, Soldier Creek

De Manatee River is en üm un bi 50 Kilometer langen Stroom in de Distrikte Stann Creek un Belize von dat Land Belize, de in’n Golf von Honduras münnt.

De Stroom hett en Afströömrebeed von üm un bi 740 km².

VerloopÄnnern

De Born von’n Stroom liggt in de Utlöpers von de Maya-Bargen in’n Noorden von’n Distrikt Stann Creek un en poor Kilometer noorden von’n Hummingbird Highway (noordoosten von Hummingbird Community). Von dor flütt de Stroom na Noordwesten dör’n Oorwoold von de Manatee Forest Reserve. Kort vör de Grenz na’n Distrikt Cayo dreiht de Manatee River denn in en Bagen toeerst na Noorden un denn na Noordoosten. He nimmt von rechts den teihn Kilometer langen Bayman Creek op.

Kort bevör de Manatee Highway mit en Brügg över’n Stroom löppt, nimmt de Manatee River von rechts den Big Creek op. En poor Kilometer wieder nimmt de Stroom von rechts den Soldier Creek op un von links den Cornhouse Creek un flütt denn in de Southern Lagoon. De Southern Lagoon nimmt över’n Main Creek in’n Noorden ok dat Water ut de Northern Lagoon op.

An dat Oostöver von de Southern Lagoon triddt de Manatee River wedder ut un löppt noch 3,5 Kilometer na Oosten. Dor münnt he in de Karibische See. Düsse korte Afsnidd warrt ok Bar River nöömt.

De Stroom flütt narms dör bewahnt Rebeed, de eenzige Oort, de in de Neegd liggt, is Gales Point an dat Süüdöver von de Southern Lagoon.


Koordinaten:17° 14′ N, 88° 18′ W