Melolonthinae

Bi de Melolonthinae hannelt sik dat um en Unnerfamilie vun de Scarabäuskävers.

Melolonthinae
Polyphylla alba
Systematik
Stamm: Liddfööt (Arthopoda) Ünnerstamm: Tracheendeerter (Tracheata) Böverklass: Sessfööt (Hexapoda) Klass: Insekten (Insecta) Ünnerklass: Fleeginsekten (Pterygota) Böverornen: Neeflunken (Neoptera) Ornen: Kävers (Coleoptera) Ünnerornen: Polyphaga Böverfamilie: Scarabaeoidea Familie: Scarabäuskävers (Scarabaeidae) Ünnerfamilie: Melolonthinae
Wetenschoplich Naam
Macleay, 1819

Kennteken

As Imagines sünd Melolonthinae twuschen 3 un 60 Millimeters lang. Normolerwiese sünd se roodbruun bit hen na swatt, man dat gifft ok de wecken Aarden, de glimmert blau oder gröön, as Metall. Annere fallt up dör de Schinnen, wo se mit tekent sünd oder dör de dichten Haare. An‘n Kopp sitt normolerwiese nix an, ok keen Hörner. Just so sitt an dat Pronutum nie nich Hörner an.

Wie se leven doot

De adulten Kävers just so, as de Budden vun de meisten Aarden freet Planten. Bi de wecken Aarden nehmt de Imagines nix mehr to sik. De meisten Budden leevt unner de Eer un gnaagt an Wuddeln. De Imagines freet u. a. Blöder vun Loofböme. De könnt se ganz affreten. En Reeg vun Aarden gaht bi Blöten bi un freet Pollen. De sünd meist over Dag togange, wieldes de annern faken in’e Nacht unnerwegens sünd.

Bedüden or de Ökonomie

Allerhand Kävers ut düsse Unnerfamilie sünd worraftig Untüüch un schaadt de Weertschop bannig. Dor höört u. a. dat Geslecht Phyllophaga in Noordamerika to, just so, as de Maikävers ut dat Geslecht Melolontha in Europa.

Systematik

Bi de Melolonthinae hannelt sik dat mank de Scarabäuskävers um de Unnerfamilie mit de meisten Aarden: Dor höört up de ganze Welt bi 11.000 Aarden in 750 Geslechter to (Stand: 1992). Dat warrt annahmen, datt allerhand Aarden, sunnerlich in de Tropen, noch gor nich beschreven wurrn sünd.

De List, de hier unnersteiht, deelt de Melolonthinae in Tribus in un hoolt sik an Patrice Bouchard un Kollegen. Hüdigendags (Stand:2015) besteiht hier woll an'n ehrsten en Konsens over, man dat gift allerhand Schrievers, de meent, dat dö sik ganz anners verhollen. Vundeswegen mutt dormit rekent weern, datt sik hier noch allerhand an ännert.

Ablaberini (Blanchard), 1850 Automoliini (Britton), 1978 Chasmatopterini (Lacordaire), 1856 Colymbomorphini (Blanchard), 1850 Comophorinini (Britton), 1957 Dichelonychini (Burmeister), 1855 Diphucephalini (Laporte), 1840 Diphycerini (Medvedev), 1952 Diplotaxini (Kirby), 1837 Euchirini (Hope), 1840 Heteronychini (Lacordaire), 1856 Hopliini (Latreille), 1829 Lichniini (Burmeister), 1844 Liparetrini (Burmeister), 1855 Macrodactylini (Kirby), 1837

Maechidiini (Burmeister), 1855 Melolonthini (Leach in Samouelle), 1819 Oncerini (LeConte), 1861 Pachydemini (Reitter), 1902 Pachypodini (Erichson), 1840 Pachytrichini (Burmeister), 1855 Phyllotocidiini (Britton), 1957 Podolasiini (Howden), 1997 Scitalini (Britton), 1957 Sericini (Kirby), 1837 Sericoidini (Erichson), 1847 Stethaspini (Burmeister), 1855 (syn. Xylonychini (Britton), 1957) Systellopini (Sharp), 1902 Tanyproctini (Erichson), 1847

Aarden (Utwahl)

• Amphimallon solstitiale – Fören-Brookkäver
• Anoxia orientalis
• Anoxia villosa
• Maladera holosericea
• Melolontha hippocastani - Wooldmaikäver
• Melolontha melolontha – Slichten Maikäver
• Polyphylla fullo - Walker
• Rhizotrogus aestivus – Geelbrunen Brookkäver
• Rhizotrogus marginipes

Weblenken

Melolonthinae . Mehr Biller, Videos oder Audiodateien to’t Thema gifft dat bi Wikimedia Commons.