Scarabäuskävers

De Scarabäuskävers (Scarabaeidae) sünd en Familie mank de Kävers (Coleoptera). Se verscheelt sik deelweise bannig. In de ganze Welt höört dor bi 27.000 Aarden mit bi 1.600 Geslechter to. Se weert noch mol updeelt in en Reeg vun Unnerfamilien. Wohrschienlich gifft dat mank de Scarabäuskävers noch veel mehr Aarden, vunwegen datt allerhand grode Unnergruppen noch gor nich richtig unnersocht wurrn sünd. De Scarabäuskävers ehre Systematik is in de leste Tied bannig ummuddelt wurrn, un allerhand Unnerfamilien sünd nu in den Rang vun en Familie in de Böverfamilie Scarabaeoidea böört wurrn.

Scarabäuskävers
Hilligen Pillendreiher (Scarabäus sacer)
Systematik
Stamm: Liddfööt (Arthopoda) Ünnerstamm: Tracheendeerter (Tracheata) Böverklass: Sessfööt (Hexapoda) Klass: Insekten (Insecta) Ünnerklass: Fleeginsekten (Pterygota) Böverornen: Neeflunken (Neoptera) Ornen: Kävers (Coleoptera) Ünnerornen: Polyphaga Böverfamilie: Scarabaeoidea Familie: Scarabäuskävers (Scarabaeidae)
Wetenschoplich Naam
Scarabaeidae
Latreille, 1802

Kennteken

De adulten Kävers sünd twuschen 2 un 160 Millimeters lang. De Form vun ehren Lief verscheelt sik bannig, just so, as de Farven. To’n Deel glimmert se as Metall. De wecken Aarden hefft Schinnen oder Haare utbillt. De Föhlsprieten hefft meist tein Le’e, bloß ganz hen un wenn mol bestaht se bloß ut negen Le’e. An ehren Enne sitt en Külen mit dree bit seven Le’e doran.

Wie se leven doot

Ok in de Aart, wie se leven doot, verscheelt de Svcarabäuskävers sik bannig. Mol leevt se buten, mol heft se sik an dat Leven tohopen mit soziale Insekten anpasst. Freten doot se Mess, Aas, Humus un Swämme, man ok all Deele vun levennige Planten. De wecken Aarden weert as Hölpers vun de Minschen ankeken, as de wecken Aarden vun Scarabaeinae un Aphodiinae, annere gaht an Planten bi un weert vundeswegen in den Land- un Wooldbo mank dat Untüüch rekent, as Kävers ut de Unnerfamilien Melolonthinae, Rutelinae un Dynastinae. In Peru sien Siedland is 2008 to’n eersten Mol en Scarabäuskäver funnen wurrn, de an’n leevsten Dusendfööt jaagt un fritt. Dor hannelt sik dat um de Aart Deltochilum valgum bi.

Systematik

Hier folgt nu en List mit all Unnerfamilien un en Utwahl vun Aarden

• Aphodiinae Leach, 1815
  • Placken-Mestkäver (Aphodius distinctus)
  • Roodschild-Mestkäver (Aphodius fimetarius)
• Scarabaeinae Latreille, 1802
  • Cheironitis furcifer
  • Copris hispanus
  • Maand-Scarabäuskäver (Copris lunaris)
  • Sieden-Pillendreiher (Gymnopleurus geoffroyi)
  • Mönk-Schietkleier (Onthophagus coenobita)
  • Onthophagus illyricus
  • Ei-Schietkleier (Onthophagus ovatus)
  • Onthophagus taurus
  • Onthophagus verticicornis
  • Hilligen Pillendreiher (Scarabaeus sacer)
  • Scybalocanthon
  • Duffen Pillendreiher (Sisyphus schaefferi)
• Pachypodinae Erichson, 1840
• Orphninae Erichson, 1847
• Allidiostomatinae Arrow, 1940
• Dynamopodinae Arrow, 1911
• Aclopinae Milne-Edwards, 1850
• Euchirinae Hope, 1840
• Phaenomeridinae Erichson, 1847
• Melolonthinae MacLeay, 1819, dormank de Maikävers mit den Slichten Maikäver (Melolontha melolontha)
• Rutelinae MacLeay, 1819
• Kaventsmann-Kävers (Dynastinae) MacLeay, 1819
• Rosenkävers (Cetoniinae) Leach, 1815
• Valginae Mulsant, 1842

Weblenken

Scarabäuskävers . Mehr Biller, Videos oder Audiodateien to’t Thema gifft dat bi Wikimedia Commons.