Mennisten

Mennisten sünd ethnische Mennoniten. Dat heet Lüüd, de nich blots von de Religion her Mennoniten sünd, man ok na Spraak un Kultur en egen Grupp sünd, de sik von de Lüüd verscheelt, mank de se leevt.

Mennisten as Fischers op’n New River in Belize

Von de Spraak snackt de mehrsten Mennisten Plautdietsch oder Pennsylvania Dutch. Von de Kultur her leevt en groten Deel von de Mennisten in von Bueree präägte Kolonien. Mank de Mennisten gifft dat verscheden Ünnergruppen, de sik in jemehr Levensstil ünnerscheedt. Welk bruukt keen moderne Technologie, wieldes dat ok annere Gruppen gifft, de nix gegen Technologie hebbt. Annere Mennisten, to’n Bispeel de, de na Düütschland gahn sünd, hebbt düssen Levensstil aver nich mehr.